صيــــــــــــــاد الغرام

صيـــاد الغرامـ

وانته يا كومة مشاعر...
عالدفاتر ويادفاتر..
وشنهي باوراق الدفاتر
غير دمعات المسافر..
وانته ياليل بظلامك
لاتجن بسك عليه..
وتكثر الجويات بيه
جرحي ناكوط ويندي
بكل نديه..
بكل نديه يزيد الطعنات بيه
..استنفرت روحي اعله شوفك
آآآآآآآآآه يشوفك
او كعت عليك الوجه
...وعانداهه كليبي كوه..
وتدري ذره وراح بجروحي
الملح
وانته صياد بغرامك
ماتمل ..وما تهيد
وصدفه نظراتك رمتني
وقيدت روحي بحديد
وانه رايد..
وانته رايد..
وشأريد...روحي مرهونه
بودادك ماتريد..
ماتريد لغيرك انته
وانته سكته وانته حلمي
بليل طفته..
وما أفز
وفززيت الروح بيدك
كلت اخذهه وما اعز..
قررت روحي الهجر
وهسه انه بلايه
روح
وماتروح
وماتروح

تحياتي لكم
بقلم الشاعر
عماد الاسدي
منقول

تسلم اخي المحظوظ رائع ما نقلت لنا من قصيده تفعيله
رائعه يسلم الشاعر والناقل معا دمت بحفظ الرحمن
تحياتي

قصيده جميله جدا اخي المحظوظ
شكرا للنقل والاختيار الموفق
لاحرمنا مدادك عزيزي
كن بخير

شكرا لك ع اختيارك

للقصيده الروعه المتناغمه

مع التقدير 0

وشأريد...روحي مرهونه
بودادك ماتريد..
ماتريد لغيرك انته
وانته سكته وانته حلمي
بليل طفته..
وما أفز
وفززيت الروح بيدك
كلت اخذهه وما اعز..
قررت روحي الهجر
وهسه انه بلايه روح

صح لسانه الشاعر

وشكراا للنقل المتميز