محتاجينك.. تجــــــــلي ألاه وليل الدمعة
محتاجينك.. صدر حسين وضلع ألبضعه
ابخيل وطعنات البسمار
وأخيام ونيــــــران الدار
نتنطر يا راعي الثار
محتاجينك
*************
كل غايب ويحن الاهــــــــــــــله .. ويتأمل بغيابه يعود
يجيب البسمه بدرب ايابه ... جراح الغربه بعينه اتهود
ومن مثلك غايب وجراحــــه.... تتمادى وماحدها حدود
ولو سالت دمعات عيونه ... تجري الدمعه بلايا خـدود
وجن اخدوده... صادرها الطغيان بسطره
ومن معبوده...هوه المنّـــــــه واية الكبرى
رد ونشفها الاعبار
من وجنة ام الاطهار
نتنطر ياراعي الثار
محتاجينك
************
يامنت بارينه وثاره...يابدر الامـــــــــــه اشهـــــــا الليل
تتخبط خطوات احبابك.. وســــــــط الحومة وعج الخيل
ساعة وتتراوه امك والدم ... من عصرات الصدر يسيل
وساعه نشاهد جسم امعفــــــر ..مرمي بلادفن وتغسيل
هم انصارك ... راس وفوكَ ارماح البين
ولابرارك ... ايناظرهم مجتوفين
ابعادك كَيد الاحرار
بهضم الشام اعله الابرار
نتنطر ياراعي الثار
محتاجينك
***********
مثل خيامك كَلب الحبك ... يلهـــــــــب بغيابك كل حين
وسطوة دهره الباكَت عمره ... وتفرهد بالبــاب سنين
المحسن هد لمه بجرحه ... مثل السجاد ويــــه حسين
لاﭼن يالغالي بلا حيــلك... ضلـــــــت دمعتهم بالعين
وعدك وينه ... ياغيره بكَصـــــة عباس
هذا حسينه.. وباب الدار صفوف الناس
ومجتوفة اكَباله الانصار
تتامل امـــــــــــر الجبار
نتنطر ياراعــــــــي الثار
محتاجينك
*********
ياموعود بنصر العتره ... مــــــــــا آن تعود الرايات
تتيمم بتراب البضعه ... وتصلــــــــي بدرب الثارات
اعنان الخيل ابـﭼف حيدر .. تشدها وتسحكَ عالاهات
وبعصابة زينب يالغالي .. اتضـــــمد جرح الشامات
وجمر سكينه.... يطفه ويرجع ذاك الجود
يامهدينه ... ضلت تنـــــــــــده ياموعود
وينك ياذخـــر الاطهار
مشبوحه لدربك انظار
تنتنطر ياراعــي الثار
محتاجينك
*************
مانامت عينك ندريــــــــــها ... بعينك جمرة شلون تنام
ومن مثلك يالكلك غيــــــــره... وحيدر اصلك ياضرغام
عباس انته ونهرك ثـــــــــارك ... وجروحك ذيج الايتام
كَوم املي الجود بصولاتك ... وطيب طعنات اهل الشام
عيد الكرّه.. يبن الزهرة وليث الغاب
اواسي الحرة... ياسور الزينب وحجاب
بظهورك يبن الكرار
من غمده تسل الفقار
نتنطر ياراعي الثار
محتاجينك
م\ن
