على اسم مصر , صلاح جاهين

اسم مصر

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء


واكرهها وألعن أبوها بعشق زي الداء


واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل

ومرايه بهتانه ع القهوة .. أزورها .. واطل

القى النديم طل من مطروح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ماعرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

أنا اللي اسمي حتحور .. أنا بنت رع

مثال الأمومة ورمز الحنان

تفيض حلماتي وتملا الترع

وتسقي البشر كلهم والغيطان

نهايته يامصر اللي كانت أصبحت وخلاص

تمثال بديع وانفه في الطين غاص

وناس من البدو شدوا عليه حبال الخيش

والقرص رع العظيم بقى صاج خبيز للعيش

وساق محارب قديم مبتورة ف أبو قرقاص

ماتعرف اللي بترها سيف والا رصاص

والا الخراب اللي صاب عقل البلد بالطيش

قال ابن خلدون أمم متفسخة تعيش ليش

وحصان صهل صحى جميع الجيش

على اسم مصر

النخل في العالي والنيل ماشي طوالي

معكوسة فيه الصور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد

على اسم مصر

مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

أسمعها مهموسة والا أسمعها مشخوطة

شبكة رادار قلبي جوه ضلوعي مضبوطة

على اسم مصر

وترن من تاني نفس النبرة في وداني

ومؤشر الفرحة يتحرك في وجداني

وأغاني واحشاني باتذكرها ما لهاش عد

فيه شيئ حصل أو بيحصل أو حيحصل جد

أو ربما الأمر حالة وجد وخداني

انا اللي ياما الهوى جابني ووداني

وكلام على لساني جاني لابد أقوله لحد

القمح ليه اسمه قمح اليوم وأمس وغد

ومصر يحرم عليها .. والجدال يشتد

على اسم مصر

شكرا" اختي نور لهذا الانتقاء
اتمنى لك دوام الاشراق والتالق
والتواصل المحبب الى قلوبنا وانت تتحفينا بجديدك
تحياتي
اخوك الامير

اقتباس:

---

المشاركة الأصلية كتبت بواسطة امير الاحزان:

شكرا" اختي نور لهذا الانتقاء
اتمنى لك دوام الاشراق والتالق
والتواصل المحبب الى قلوبنا وانت تتحفينا بجديدك
تحياتي
اخوك الامير

---

شكرا اخى الامير اسعدنى مرورك وانار صفحتى
دمت اميرنا فى حفظ الله ورعايته
احترامى لك يسبق سلامى
لك تحياتى

شكرا لك يا نور على هذه الكلمات الجميله والاجمل لانها تحكي عن الشعب المصري الشقيق شكرا لانك نقلتي لنا هذه الكلمات
ننتضر كل ما هو جديد منك
مع تحياتي

اقتباس:

---

المشاركة الأصلية كتبت بواسطة المحظوظ

شكرا لك يا نور على هذه الكلمات الجميله والاجمل لانها تحكي عن الشعب المصري الشقيق شكرا لانك نقلتي لنا هذه الكلمات
ننتضر كل ما هو جديد منك
مع تحياتي

---

اخى المحظوظ الاجمل مرورك بمتصفحى شكرا لك ودمت فى حفظ الله ورعايته
احترامى لك يسبق كلامى
لك تحياتى

شكرا على هذا الاختيار الجميل

اقتباس:

---

المشاركة الأصلية كتبت بواسطة سامي المشكور

شكرا على هذا الاختيار الجميل

---

اخى سامى شكرا على المرور الاجمل
دمت فى حفظ الله ورعايته
لك تحياتى