انهي وبعد لاتجي
ماريد اسمع حجي
ابنفس الفراغ ادور
انة ابقة مامجبور
كلبي يطك ينتهي
---------
اشكد سوالف كظت
ياما حجة السانك
كل يوم جاي ابوجة
والشاهد الوانك
اتركني خل ارتاح
ماريد اصفك راح
مليت من البجي
---------------
لتعيد كلشي انكظة
ولتكلب الماضي
عمر الجرف ماضحك
ولادغدغة الشاطي
هذا انة حالي وياك
ورجع تريد اهواك
تسبيني اعرف سبي
-----------------
بدل طريقك بعد
ونساني بالمرة
الراح لتظن يرد
مر وخلص وطرة
هذا قراري وخلص
ضيعت كل الفرص
اسمحلي اكولن غبي
----------------
وياك ماانجمع
هيهات لا لا تظن
ماريد ارد للسهر
ودموعي فوك الوجن
تدري اشكثر عانبت
وسنين الك ونيت
وياما اجيت اشتكي
----------------
لو كلبي هسة يحن
من صدري اشلعة شلع
موهاي حسرة الك
لليوم حدر الضلع
اتبرة من الكلب
مثلك ولك لويحب
ولو طلع خايب نبي
