هاي كم ابوذية من موبايلي
ان شاء الله تعجبكم !
سلامي للولف يا طير وصله
ومن صدك محتاج وصله
كريم النسب ابن شويخ واصله
اصل عز واصل غيره و حميه
الكـ حن القلب يسمر والك مال
وذاب القلب من هجرك والك مال
ولاني ناجح بحبك ولا اكمال
ولا راسب واكلك حيل بيه
قلبي اتولع بحبك ولع تاب
واناطر منك امسامر ولعتاب
على بابك وكفت انه والتعاب
اكلك ليش؟ واتكلي اشبدية
انا الابيض الك قلبي و صافي
وقليل من البشر تحمل وصافي
يزعلونك عليّ عمدا وصافي
واضل وياك مهما يصير بيه
انا الي كل وكت قلبي خليلك
وعجيبة شلون ما ترحم خليلك ؟
حبيبي السهر ماريده خليلك
لان هو سبب ما صار بيه
انت الشمس وانت البدر منهل
وشفافك طعم العسل منهل
قلبي بس الك يا ترف منهل
الورد من تمر يا خذلك تحيه
الكـ بايع دليلي و انتة حر بيه
اموت انه بجمالك و انتحر بيه
افجر كلمن يحبك وانتحر بيه
لان مخصوص حبكـ بس اليه
-------------------------------------------------
مثل جنح الفراشة شفاك ورقة
و ربيع الشوك منك راد ورقة
بكل بوسة حبيبي انطيك ورقة
واذا حلك بحلك دفتر هدية !
و بس وان شاء الله ..تعجبكم !
