قصيده شروكي الشاعر نعيم الفراتي

انا شروكي

هلك يالحدرت نوكك كتر نوكي

اواخذطركك اذامايزته بطروكي

انا ناري جبيره اوتاكل النار

اومن حلك السبع اخذ انه احكوكي

رمت بي المنايا اسنين وسط الريح

صرح عالي بكيت او ما نزل سوكي

صحيح انه جنوبي او اصلي اشروكي

لجن ما يوم ذليت او صرت لوكي

*************************************

انا المايوم عنك مايزت شوكي

وانا المايوم جفل موحي غرنوكي

نطرت الوسعه سبه امعانك الغيم

اونفس رمل الرميله اغذاي ونشوكي

اوتنيت الوكت بلجن ينصح ايويم

اواكودالقافله اوانه احدي ابنوكي

اناعاشك كضيت الوكت عالديم

او اموتن لوفلت من عندي معشوكي

صحيح العسرن بطلوكهن ضيم

لجن خلهن يجن ويشوفن طلوكي

*****************************************

ماهمني الغريب الي رجه طماع

ولاهمني اليدوركسرتي اوعوكي

ربع احنه اورضعنه ابنفس مرضاع

اواخوي الي رماني ابنفس طابوكي

لضل احلى التمر وامعسله اعثوكي

اوفلا اورج شفيج ابحلك صندوكي

لضل كلي اصاله او همه واطباع

مادام الشهامه اتفور بعروكي

الشاعر نعيم الفراتي

اقتباس:

---

ربع احنه اورضعنه ابنفس مرضاع
اواخوي الي رماني ابنفس طابوكي
لضل احلى التمر وامعسله اعثوكي
اوفلا اورج شفيج ابحلك صندوكي
لضل كلي اصاله او همه واطباع
مادام الشهامه اتفور بعروكي

---

قصيدة في قمة الروعه عاشت ايدك وصح السان الشاعر نعيم الفراتي
منور المنتدى اخي العزيز
ننتظر منك المزيد
تقبل تحياتي

صح السانك وعاشت على النقل دوم التالق والابداع
وكل عام وانت بخير

شكرا لكافة اخوتي الاعضاء في المنتدى
مقطع : امن الجانب الثاني اوتو ز لعب جانبك
قدوة تصبح للمعاني او من يكلك فوك عينك حاجبك

لضل كلي اصاله او همه واطباع

مادام الشهامه اتفور بعروكي

والله والنعم منك عزيزي
قصيدة رائعة بمعانيها
احسنت وعاشت ايدك على روعة هذه الكلمات
ودام لنا هذا المداد
ومرحبا بعودنك عزيزي الى ربوع الفرات بعد طول غياب

حياك الله

شكرا اخي الكريم ع مشاركتك الاولى نتمى لك معنا التوفيق والفائده
اخي الكريم القصيده واضحه ومعروفه رغم التلاعب بالمفردات والاقتباس الواضح الذي شوه معنى وروح القصيده الا انها واضحه للكبير عريان السيد خلف الرجاء الاهتمام بنتاج الاخرين
وهذه القصيده الاصل ؟؟؟للشاعر عريان السيد خلف

انا اشروكي انا اشروكي
انا الما بدلت طبعي انا الما صير ابد لوكي
انا المامش دغش بيه الذهب مصيوغ من طوكي
انا الشاري ابد ما بيع انا الما بدلت سوكي
انا الغيره انا النوماس ينبض دوم بعروكي
حنين تفيض بيه الكاع انشد اهلي ونوكي
عسل صافي حلو بالضوك طبع العسل من ضوكي
انا مرود يكحل العين مو بوك الكحل بوكي
انا الفاله انا المكوار اكلي وشربي وريوكي
ابن ذي قار ابن ميسان يفلش الجبل طابوكي
مضيف انه ودلالي اتفوح طيب ومرجله بنوكي
انا عنوان الي بالسوك اشيخ اشيوخ من سوكي
انا عيط النخل ياهيه برحي الرطب بعثوكي
انا عالي اظلن فوك ما اقبل علو فوكي
انا الطير اليحط اعليك وانت تلملم ضروكي
----------------------------
انا سري فلا مفضوح ما يفشيه صندوكي
بالسكتات اموتنك افتك بيك شيخيطلك افتوكي
انا الثابت ابد ما ميل انا الما بدلت موكي
وانا الما تيهت خلي وبعت دمعات معشوكي
ولا كالوا علي دجال ماله ربع طكطوكي
من عندك لفاني الضيم وانت اللعب بطروكي
نجس انت وعرفك زين ابيك جلب وسلوكي
وانه ثوبي يصير اعلوك تشفه الناس بعلوكي
لجل هذا اظل عريان سيد اصلي وشروكي

الف شكر لشاعر الفرات ماجد الشاعر على هذا التوضيح
ونقل القصيدة الأكثر من رائعة للشاعر الكبير عريان السيد خلف
عاشت ايدك عزيزي
مع ارق تحياتي لك

ان قصيدت الشاعر الكبيرعريان السيد خلف هي تعبيرعن اصالت الانسان الجنوبي والمعانات التي عاشها في ضل الننضام السابق شكرا للجهدالمبذول وتقبلوا مروري