لاترجع انصحك ضل بعيد اهناك
لاترجع انصحك ضل بعيد اهناك
وطنه انباك ياهواليكدر ايرجعه
راح الفرح منه وراح ذاك الخير
بس باقي تهل ابنصه الدمعه
المن ترد الياموت ياتفجير
وكل ام بعراقك امفرعه وتدعه
وي الكتلوابنه اشلون كلي اتعيش
ويتام البقت بس تبجي وتنعه
هم سامع بلعمايم انتقام اتصير
حراميه اصبحت وبخيرنه امشرعه
ننادي بصوت ملينه الرعب والخوف
ولامنهم شريف الصوتنه ايسمعه
والي يطلع للشغل قاصد الرزقه بيوم
نتباره الذمم وياهونودعه
مانعرف يعود بحلت العمال
لو روحه ولا منه بعد رجعه
تعال وشوف شارع منترس عبوات
وبشر بلمزابل روسه امكطه
عن يا وطن تحجي كلي خويه شبيك
ولكاصبح سمل وبنصه الف ركعه
حسبالك عراق الجان قبل سنين
ولك اصبح جهنم ناره مسعره
بعد ماضل قلم ينكتب بيه تاريخ
تحول سلاح اقسامه محضره
لا ضلت جوامع ينذكر بيهه الله
لاتقبل صل بيهه ولا ركعه
لا ضلت مدارس وتعلمك دورودار
صارت للطوائف ولكل مذهب اتبعه
مدرسه سني هايه وذيج شيعه تكون
منهجه هالحقد وبعقولنه طبعه
وسياستنه الحكيمه شحجي عنهه الساع
ذلت كل عراقي بكاعنه الوسعه
وكعدت كل حرامي بمجلس النواب
وكل مجرم نذل فوك ركابنه ترفعه
الياوكت ابقه اتحمل الاحزاب
مو طفحت الجيفه وبانت الكرعه
ومجلسكم كشف عورته لوجه الناس
مجموعه عصابه وبلغنم ترعه
سفرات ورحل شيردون بعد نوب
ويشهددسكوج بيروت والمتعه
ويشهد فندقج عمان يم الضيم
ولشرم الشيخ يركض نائبي ويسعه
اصرف ياعضو ليهمك شعب ميت جوع
امطفي الشعب من السبت للجمعه
ياوسفه انتخبنه وجبنه شر الناس
وصبعنه بلبنفسج ركض ونكعه
شتترجه من الذي ابداً مايخاف الله
جذاب بصلاته وبكل دعاء يدعه
75 نائب وجملهه هم 200
احشرهم فيجهنم ربي وبسرعه
تهددني يناقص تمنع التصويت
وسجلكم بلفساد شكبرهوشوسعه
والمبلل لا تخوفه بماي يابو الماي
والمذبوح كيف بجرحك توجعه
هذهالوطن خويه يستكهولم
فكر وحسب الاوضاع والرجعه
صفه عراقك سجن وجنسيته صارتقيد
ياهو الي يحله ومن اركابنه اينزعه
ماريد العراق تنازلت فدنوب
مليت المرار وسمه اتجرعه
كل هاذه وعلينه تريد ترجع يوم
امخبل اكلك ودماغك مصدعه
احلفنك ابعلي وحسين والعباس
اذا يمك مكان افزعلي يخي فزعه
خلصني منعذابي وجور هاي الناس
ممرود الكلب وبروحي الف صدعه
تحياتي للجميع
الخزعلي
رد: لاترجع انصحك ضل بعيد اهناك
السلام عليكم
وكان الله في عونكم قصيده تحكي الواقع المرير
وشكرااا لك اخي الكريم ذياب الخزعلى لروعة ما تكتب
ودمت بوود وخيير
وكل عام وانت بخيير
رد: لاترجع انصحك ضل بعيد اهناك
اخي ذياب حقيقه فاجئتني بهذه القصيده التي تحاكي الواقع المرير الذي يعيشه شعبنا الدائما مظلوم وفي كل الازمنه
اخي العزيز انا معك بكل حرف وكلمه سطرتها في هذه القصيده انها لوحه فنيه بكل معنى الكلمه
لا اقول الا كان الله في عون العراق ويسمع دعاء الثكاله اللذين لا حوله لهم ولا قوه
بارك الله بيك وكل عام وانت بخير
