انه لسان شاعر لا تزل وياي

انه لسا ن شاعرلا تزل وياي
حاذر من كلامك واحذر الزله
ولتكلي بنيت وكبرتلك صيت
ولك بدر الرميض شنطه للدله
يالبابك خشب تحتاج للبسمار
عودان الكصب تحتاجهه الكله
انت بلا اسم من جيت لا عنوان
تتمرد عليه وسيفك اتسله
ترميني بحجر وانت اعلى طولك جام
مثل طبع النخل يتحامى بالسلى
بفيي وخلصت يفلان حر الصيف
بكشاش التبن هم تعبر الجله
بضواي تعلمت تتنكل الخطوات
دربك لو جفيت شلون تندله
اعلى شما تريد يطول بيك العود
لعناكيد العنب ما تصعد السله
لابد ما تحط عالكاع يا مسكين
بجناح الفراشه تريد تتعله
اذا عندك جنح وتريد بيه اتطير
انا النهر العذب مجبور تنزله
طيارة ورق هشه ورفيع الخيط
بس يشد هواهه تبين العله
بنادم من ورق مابيك كل احساس
وجماله اعلى ناري تريد تتسلى
شوفتك جرح لتذب عليه سموم
اذا شفته اعلى طولي ومو سهل شله
تعلمت الحمد من عندي والاخلاص
وجاي تريد اكلك حضرة المله
لتغرك عباتك لو عباة شيوخ
اكو شيوخ وعبيهه مطرزه بذله
صح ثوبي عتيج ومرعداه البين
بسانت وحريرك عيب توصل له
يصح ثوب اعلى طوله مشكك ومركوع
وعيون الرجال تهابه وتجله
ويصح هندام راقي ومثله ما ملبوس
بس حتى الجهال تكوم تخجله
الزلم هاي الزلم مو باللبس تنقاس
جان ابن الغجر محفوضنه نكله
رضعنه اخلاقنه من معصبات الروس
واخذنه من الشرف حصة الشرف كله
امك من صرت ما در صدرهه اعليك
رضعت من القواطي وبينت خله
اتعلم لو ردت تحجي وتذم الناس
لتكصر طول وسالم اتشله
ولتزغر جبير بعين هذا وذاك
مو كلمن تعرفه يخاف من ظله
جثير من الزلم تمشي وتهز الكاع
واشباه الزلم امثالك القله

منقول

يالله يالله ياعيني عليك ذياب هنا الابداع والله خليتني اغار من هاي القصيده روووووووووعه وابداع متميز ودمرته وحطمته بهل الرزاله
تحياتي مع دوام الابداع والتميز شكرا لك

شكرا لك اخي العزيز
لنقلك قصيدتي
ولو المفروض تكتب منقول
تحياتي الك