بعد ما حاجه يذبح بينا الأفغاني

بعد ما حاجه يذبح بيناالأفغاني..
ولا عبوه إبدرب يزرعلي جيراني..
ولا يد خل يهودي .. ولا امريكاني....
إحنا... إخوان....
واحد.... يذبح الثاني.

- بير ألتفرقه حفرتَّه لمريكان..
- وادري وماطحت بس هوجراني..
- خمس أسنين يذبح وانا راسي ابجيس..
- وبجنطه الجسد ... وبجنطه ذرعاني..
- جبت عمرك حكم بسك بعدشتريد..؟
- تظل ابن القصر وابن الكصب آني
- وتظل انته (العجل) وانا (اليول) للموت
- واظل ابلا أظافر وانته سجاني...
- وتظل البصره عاكر وأم ولد تكريت..
- وتظل تنكل حطب لديالىميساني..
وتظل اويَ العرب ... واخواني ذولي اتكول ..!
- وينشدونك علي وتكلهم .. إيراني؟
- باوع على إخوانك ...بيَّش يسوون ..
- وشوف اشلون أخوك ايرجعإحساني..؟
- يعوف أختي ابعبوته امكشفه أعلىالكاع..
- يتفرج عليها القاصي والداني...
- وانا الكل أعربيه أتكشفت هدّيت
- أغطيها أبقميصي ..والبس الثاني...

- من هدّوا عليك وطبواالعمّان
- ما كالتلك أختك هاذ غطاني..!!
- ونه لوما شريف اليوم أطباردود
- وانزعهن واكلهن ذني قمصاني
- عمر اعلف عليكم والشعب جوعان..
- ويلوموني ...وأكلهم ذول فرساني..
- تالي اتهد علي ...وحصاني ميت جوع
- والله اتند مت لو عالف إحصاني..
لامريكا شلع كلكم حنيتوا الرأس..

- وعذرتوا أرواحكم .. وتعيرت آني...!!
- أنا صح دنكت كدام الأمريكان ..
- لكن دنكت شدّ َيتقيطاني..

- انكسر كلبه أعلىكوخي... وكال اهدمه اليوم
وابنيلك قصر وتسكنه بس ..تاني
- بس تاني..!! وتنيت.. وصار خمس أسنين..
- وانته امن القصر طابوكه ماباني...!
حتى التاني ملت منالمتاناة..
- إذا كلتلها : تاني، اتكول: ماتاني..!!
بعد ما انتخب ... لاوالله والعباس
- لو كتبوا اسم بآيات قرآني..

- بيت الطين يرجف .. وِهْمَه عركا نين..
- وصورهم لزِّكوها إبطين حيطاني..
- وشعاراته أعلى بيتي ... ايدكله طول اقماش
- وانه ابعازة إكماط ايغطي رضعاني..
- رد الفندقك والجبته أخذه إوياك...
- ما ريد القصر ردني أعلىبنياني..
(منقول)

منقوووووووووووووول
واليك الرابط التالي للاطلاع علية لاهميته:
http://www.alforat.org/showthread.php?t=22548

اخي ذياب شكرا" لنقلك لهذه القصيدة
انها للشاعر الكبير والمعروف لدى الجميع..
الشاعر (عباس جيجان)
رجاء اخوي..كتابة اسم الشاعر عندما تكون القصيدة ليس من وحي قلمك..
حتى لا يصار في المرات القادمة الى حذف موضوعك.
.واليك الرابط التالي للاطلاع علية لاهميته:
http://www.alforat.org/showthread.php?t=22548

حبيبي هيا قصيدة معروفة للكل
ناقشها وكاتبها الشاعر عباس جيجان
وحبيت ان كتبها لن هيا مصدرحقيقي
لواقعنا

قصيده رائعه للشاعر عباس جيجان
شكرا لك حبيبي الغالي
تحياتي وتقديري لك

مشكور حبيبي ذياب رائع ما تنقل لنا من روائع الشعراء الكبار بوركت اخي العزيز