الى من عجزت عن وصفه (الى الامام علي عليه السلام

حلم
لايمكن خيال
لا حقيقه
اكثر من الحق بذاته
رجل اصعب شي
افهمه
فكر اعلى من المعارف
والخلق مصدر صفاته
الخلق مصدر صفاته
مدري مصدر للخلق
اعجز استيعاب امره
بس اجيد انه العشق
والعشق هو دليلي
وانه ادري الحب صدق

لوحه من الباري خصت
بالكرامه وبالهدايه
شعر من لسانه يدرس
ان للروعه بدايه
صور تدخل عالطلاسم
جمله
توصفلك حكايه
أيد خندق تحمي امه
وأيد من ربك عنايه

والعطف يعني محمد
من دعا لربه بصلاته

مثل موسى راد اخيه
حيدره راده الرسول
خصه بالحب والمعالم
باب مفتاحه البتول
علي من اذكر قضيته
احتار مااعرف شكول
علي قرأن اعله صدره
معجزه وشرحه يطول
علي هو الحق بذاته
بل علي هو الاصول

سيفه موقاسي بضربته
بالعكس سيفه كريم
مارجع لو سله مره
والكرم بيه مستقيم

مايفرق من يقسم
وداعي للحب والسلام
علي من ينجاب اسمه
يخفق بجنحه الحمام
ياعذوبة هالمشاعر
من تزور انته الامام

علي والفقره قضيته
ياما قاتل عالرغيف
علي لو يحكم زماني
جا يطك عشب الرصيف
يعني ماحير من اجوعن
يم علي الموطن مضيف

جم جرح شديته بيدك
بلسم انته من السماء
من ازورك انخه بسمك
علي بس اسمه دعاء

علي اخجل من كلامي
حيل من اكتب عليك
شعندي انه وانته شاعر
نقطه مااوصل حجيك
علي مدرسة البلاغه
والحروف ابين اديك

علي رقه بجف عذوبه
كلمه باذخة الجمال
فكرة ان الله واحد
أثبت بظرف المحال
علي لومنطينه حقه
جاحذف جمله قتال
جاغفت كلهه عله صدره
تشعر بطعم الابوه
علي نعمة ربي النه
علي من تذكره قوه

علي مامات بطبرته
قاوم وكمل صلاته
علي حتى الفتنه تسكت
تقدم وضحى بحياته
مو حلم لاشي محقق
اية الحق هيه ذاته
والدليل الاف مرت
والسنين مكابلاته

السنين بكل دقيقه
تذكر شجم لحظه عاشت
ذكريات شكد عظيمه
جانت تعيش بحياته
السنين العدهه حيدر
ماتت سنين بوفاته
ماتت الدنيه بوفاته

صح السانك اخي الربيعي قصيده رائعه بحق الامام علي اللهم يجعلها في ميزان حسناتك
بارك الله فيك اخي العزيز مع ارق التحايا

علي مامات بطبرته
قاوم وكمل صلاته
علي حتى الفتنه تسكت
تقدم وضحى بحياته
......................
الله الله
قصيدة قمة من الروعة
بوركت اخي وسلمت
جعل هذ العمل في ميزان حسناتك
وابعد عنك كل مكروه
تحياتي الك

جعلها الله في ميزان حسناتك وبارك الله فيك


عاشت ايدك على هذه القصيدة الي اتمجد الامام علي كرم الله وجهه



تقبل مروري