قصيده رائعه للشاعر نائل المظفر بحق الأمام علي (ع)

http://www6.0zz0.com/2009/09/08/12/963618346.gif

بسم الله الرحمن الرحيم
والصلاة والسلام على سيد المرسلين محمد واله الطيبين الطاهرين
قصيدة للشاعر نائل المظفر
اكثر من رأئعة

يا ابوالحسن عندي يا مولاي بعض الاسئله

الواحد بواحد أذا تضربه شيصير غير واحد... شو غلط بالمسأله
أنته كل واحد تضربه بذوالفقار ينقسم نصين يطلع حاصله
وينطرح بس ينضرب ما ينجمع شلون واحد والجمع ما يقبله
سيفك القانون بس محد رضاه لأن اول سيف ينصف قاتله
وراسك القرآن بس محد قراه وانفتح بالسيف مو بالبسمله
يا فقير ومنزلك مثلك فقير وماكو واحد أعلى منك منزله
الثقل بس ضربتك كلهن سراب والذهب بس مذهبك كلهن طلى
الله ما حطلك ملك للسيئات ملكينك حسنات امسجله
على جتافك ينعس ويغفى الملاك وانته ساجد للصبح بالنافله
ما تنام ... امخدتك تسأل عليك وتصبح من الشوك سجادة صلا
المشكله بلا حل تجيهم وانته لا الحل يجيك وماكو عندك مشكله
انته ما ناطق حرف عن الهوى يعني لازم حجيك احنا نرتله
اوالله لو ميت وحي بذاك الزمان وينقص القرآن انته تكمله
ناقشوني على البجي وماي السبيل واعتذر مولاي كالو مهزله
راح اضم وجهي وعليك ابجي ابأناء حتى اراويهم دمعتي امسبله
تعني قلة مرجله دموع الرجال بس عليكم تعني قمة مرجله
انته من النور أصلك والله نور يعني انته والله تربطكم صله
يا أمير الما ينصبونك أمير صدقوا بهذا الامر مو مخطين
لأن كالولك عليهم ما تصير وانته يا مولاي أمير المؤمنين
نصبو غيرك ولكن ما حجيت لأن ما محتاجها ونقسم يمين
لو كنت محتاجها ترد الزمان وبحياته ينصبك طه الأمين
وانته رجعت الشمس أم الحساب يعني تكدر يا علي ترد السنين
مو أمير شلون جا ياهو الأمير ما الك يا مولاي بالعالم قرين
وكلمن يحطونه غيرك ما يصير انته اصلح الا ينحط الحسين
وصى بالثقلين من بعده الرسول يعني قرآنه وعترته الطاهرين
العتره نسلك يا علي وانته الكتاب يعني بس وحدك تعادل ثقلين
شنهي حجتهم علي وما نصبوك جنت جاهل لا يحيدر كاذبين
انته مو جاهل جنت عمرك زغير وجانو همه كبار لكن جاهلين
وانته باب لكل مدن علم الرسول وهمه صارو من خلالك عالمين
وطالما باب العلم انته وكصير يعني جانو من يجوك مدنكين
يا أمام انته وولي ابدأ الكتاب الما درو انك ولي شربو حميم
انته باء البسمله ولو ما قروك تصير سم الله الرحمن الرحيم
الدين ما يقبل غلط والشك حرام الدين حجي الله رب العالمين
شلون أشك ابعصمتك وانته الرسول وصفك قرآن ناطق يعني دين
يعني حبل الله ويكول اعتصموا بيه اشلون مو معصوم يعصم معصمين
لا يا سيف الله غيرك ماكو سيف حتى موتك هم ثبت للعالمين
بالصلا ضربوك بس ساجد بقيت وجان راسك منشطر نصف انشطار
ومثل سيفك سيدي شويه انحنيت وما تميز ياهو بيكم ذوالفقار

ونســـــــألكم الدعاء

بالصلا ضربوك بس ساجد بقيت وجان راسك منشطر نصف انشطار
ومثل سيفك سيدي شويه انحنيت وما تميز ياهو بيكم ذوالفقار
.................................
شكرا" اخي لهذا الانتقاء الرائع
لشاعرنا الكبير نائل المظفر
بارك الله فيك اخي
جعل هذا العمل في ميزان حسناتك

شكر لك اخي امير لمرورك العطر