الى امي بل امهاتي وكل ام عراقية "احمد الشويلي"

بسم الله الرحمن الرحيم
السلام عليكم

قصيدة جديدة من قصائدي المتواضعة وهذه القصيدة على عكس قريناتها لن اتكلم عنها اكثر مما تقول

امهات

امي ما اوصفج امي بس اكول
هي كل معنة الحياة
الجنة جوة جدمهة كال الرسول
شحجي بيج انة شوصف وانت سيدتج بتول
شكتب مايكفي والقلم محتار
شيحجي اعلة الورد من ينسئل عاكول
وشيحجي الظلام بمعنة كلمة نور
لو مرة انسئل شيجاوب السائل
اظن محتار يبقة ودايخ ومسطول
امي دولة وامي دين وامي من ام الحسين
امي دستور وحكومة بالحشر مسئول امي
تحت امي الجنة نامت وعدهة تصريح الدخول
لو تكول انفوت فتنة وان تدير الوجه ما النة حلول
لجن امي موش كل الامهات ماتاذي ابنهة وعن وجعة تحول
امي وردة وامي ضحكة وبيهة كل ليلة ابات
امي تعبت امي عانت حتة احن نبقة نجول
امي جانت ماتنام وانة احلم
تجوع جانت وانة اشبع
علمتني اعلة الاصول
امي ما اوصفج امي
ولو كلت شمس انتي تقصير
انتي سيدتج بتول

لون يبدي الليل ليلة ولمن واحدنة ينام ايعيد حيلة
امي جانت كمر تضوي الظلمات
امي من الشمس تطلع تطلع امي النة شمس
امي لوتبجي بغروب
الحجر يبجي ان صوتهة من يمة فات
امي من تدعي الابنهة
تنفتح بيديهة بيبان النجات
امي كاع وسمة امي
وانة غير البشر غير الكائنات
انة موش ام عندي لابل امهات
هيج راد القدر شاء
وجنت كل ليل بحظن وحدة ابات
وكلشي كلته لاجلهن انة كتبتة
كلهن بلا تفرقات
علمني اشلون اعيش ورضعني
امن الصبر ودربني اشلون اصيرا
طين بس ماينكسر
وعلمني اشلون اعامل هالحياة
هن جانن مدرسة وعلمني بكلشي اعرفة
عندي مو نسوان عندي ملكات
اشكر الله العظيم اعلة نعمته
وعلة دلالي بوسط حضن الوالدات
بوسط حضن الرائعات
اشكر الله اعلة امهاتي
الرضعني ادموم عباس
الجرة بشط الفرات
حتى اصيرا جبل ماطيحا واميل
واحني ظهر العاصفات
ودرسني بصبر زينب
يوم اخوهة حسين مات
واخيرا علمني ما اطيح وانحني
وابني صرحي اعلة الجبال
عالقمم دومي انبني وما اعوف موطني
حوا اولهن بدت ومريم العذراء اولدت
واخر المشوار زهرة المدرسة
وباقي النسوان كلهن طالبات
اشكرك ربي العظيم اعلة نعمتك
انه موش ام عندي لابل امهات
اشكرك ربي العظيم اعلة نعمتك
انه موش ام عندي لا بل امهات

تحت امي الجنة نامت وعدهة تصريح الدخول
لو تكول انفوت فتنة وان تدير الوجه ما النة حلول
.................................
بوركت اخي foraten.net/?foraten.net/?foraten.net/?foraten.net/?
قصيدة جليلة ورائعة بحق الام والامهات
بس ما كتلي..هاي الك لو منقولة
تحياتي اخي الغالي

شكرا اخي امير الاحزان على ردك الجميل
وهذه القصيدة من كتاباتي
م/ان كانت توجد قصيدة اخرى كهذه لشاعر اخر فأنا مستعد لتمزيق قصيدتي فورا
هاي امانة ادبية مو لعب جهال

حبيبي foraten.net/?foraten.net/?foraten.net/?foraten.net/?.. هناك اقتباس لبعض مفرداتها
ولا بأس..
ولو كنت متأكد من انها منقول لما طلبت الايضاح..منك
اشكرك نورتني
وانا اعتذر منك
فقط لكي يطمأن قلبي..
انا معجب بكتاباتك..لذلك اكون حريص على كل ما تكتبه
اعتذر مرة اخرى
ولك خالص مودتي الاخوية..

عزيزي امير الاحزان ثق بالله هاي القصيدة كتبتها غير كل القصايد الاخرى ولم اقتبس عن علم اية ابيات .
اخي العزيز ان كلامك كلام جميل جدا وانا لو كنت مكانك لسئلت نفس السؤال وذلك لحفظ الامانة الادبية اولا ولكي نتعرف اذا كانت هذه كتابات المقابل ثانيا.
شكرا اخي واعذرني خاف اثقلت عليك بكلماتي.

امي من الشمس تطلع تطلع امي النة شمس
امي لوتبجي بغروب
الحجر يبجي ان صوتهة من يمة فات
امي من تدعي الابنهة
تنفتح بيديهة بيبان النجات
امي كاع وسمة امي
وانة غير البشر غير الكائنات
انة موش ام عندي لابل امهات
هيج راد القدر شاء




الله الله عاشت اناملك يامبدع
كلمات رائعه بحق كل ام
والله انزلت دمعتي بقرائتها
تقبل تحياتي

شكرا لأحلام على هذا الرد ولاخي امير ولجميع الاعضاء الاخرين