أم الخيرأمي ودلة معزبين ... طاريها ينومس من يمر ذكرا

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

أم الخيرأمي ودلة معزبين ... طاريها ينومس من يمر ذكرا
امي اشراع مركب يبحرو سفان ... وعلى خدها النجوم اتبات والكمرا
امي الكون كله وي دمعها يذوب ...ولو حست هظمنه تنكلب جمره
امي العطف كله وبيها صار انسان ... وحنان البيها طاهر رابي عالفطره
رضعتنه المحبه ومنهج اهل البيت ... وحب حسين درها وباقي العتره
لو ضاجت عليها تندب الكرار ... ولو آخر طلبها تحلفه بالزهره
امي الدين عدها مدرسه وايمان ... تدرسنه بدرسها بطيبة العشره
امي اشما اوصف بيها اظل محتار... وماجازي بوصفها من عشر عشره
امي الجنه بيها وهي باب الله ... والبيت بفظلها جنتي الخضره
امي اتلم شملنه وتطي للمحتاج ... وتكطع من حلكها وتطعم الفقره
وامي اللمه منها وبيها صرنا اخوان ... هي الخيمه هي البيها نتذره
امي تحنن الايده تشيل الماي ... على الحاله ضعيف ولاحته العسره
أمي البيها واجد هم دمع واحزان ...ومبسمها قصيده والثغر شعره
امي الوكت هدها والعلل اشكال ...لكنها الامان النركن بكتره
امي لو تصلي وترفع الجفين ... يشيل الكون جفها وينتفض صبره
امي لو اريد اوصفها بالايجاز... ليالي القدر امي وريحة الحضره

مماراق لي كثيرااا

امي لو تصلي وترفع الجفين ... يشيل الكون جفها وينتفض صبره
امي لو اريد اوصفها بالايجاز... ليالي القدر امي وريحة الحضره
.......................
عاشت ايدك غاليتي احلام
انتقاء رائع
ونسج كلمات جميل واحاسيس امومية راقية
بوركت اختي الغالية
ننتظر جديدك

احلام اللهم يحفظ الوالد ويحفظ امهات العراقين اجمعين قصيده رائعه واختيار مميز دمتي بهذا العطاء والابداع بوركتي ودام نبض قلمك الرائع

سعيده بمرورك ياامير الامراء الرائع
ربي يحفظك ويوفقك
وممنونه لدعواتك الصادقه
لك مني كل التقدير والاحترام


وسعيده ايضا بمرور شاعرنا المبدع سلام الدراجي
مرورك مميز وممنونه لدعواتك ياطيب
لك كل الاحترام والتقدير
ربي لايحرمني منكم
وتحياتي الكم