رادو نفترق للسلطاني

رادو نفترق بس ادري ميكدرون
لان هذا الشعب يعرف بغظهم
موللة اجونة من اجل غايات
ونقدا مو مؤجل كان اجرهم
متوهمين هذا الشعب يندار
بس هيهات مايتبع فكرهم
نبقة ابل الوطن كل احنة خوان
اعرفنة القصد منامن مكرهم
شيعة وسنة نبقة اثنين فد روح
عم وخال اشو صارو بعظهم
ميركعون للذل دوم هيهات
ولاينطون من تربت وطنهم
ذولة ابناء شعبي وعينك اتشوف
جذب مايفترق لتظن دربهم
ابن الهور انة وروحي بالانبار
اذا درت الوجة باجر شكلهم
وبالحدباء عندي اصحاب وخوان
اذا عديت اول مااعدهم
كرام اهل الوطن من زاخو للفاو
ابوجة خطار مايفرغ جدرهم

جذب مايفترق لتظن دربهم
ابن الهور انة وروحي بالانبار

والله والنعم من ابن الهور الوطني الشريف
والله لو قادتنه يملكون ربع وطنيتك لكان انحلت مشاكل الوطن بس اهم شي عندهم مصالحهم الشخصيه دمت اخي بهذا العطاء وبارك الله بيك

عاشت الايادي يا اخ كريم وصح لسانك
تحياتي

عاشت اناملك الي صاغت هل الكلمات الرائعه
ننتظر جديدك
تحياتي