رحله الى البقيع ( قصيده بمناسبة مولد الامام الحسن (ع)

وانه غافل عن زماني
حاير بزحمة مشاكل
وروحي
روحي تمطر جزع روحي
عالسنين
وعالجروح الماشفن
عالسوالف
عن سؤال بكلبي خايف
عن ضحايه افكار
كتلتهه الفتن
اجت من صاحب رساله
بشرى اخيرا
بشرى حلوه
بشرى
ميلاد الحسن
قشعرت كل ذره بيه
ورجف كلبي
لعنت نفسي
شلون نساني الزمن
اخ ياتقصير نفسي
اخ ياتقصير اهلنه
الماعرف يمشيله خطوه
بس عرف يدفع ثمن
جملة اخطاء وعجيبه
مااريد أطرق اكثر
خاف انسى اليوم فرحه
فرحه موفرحه وطن
وعفت روحي
احتفل
انه وصفنتي
وانطلقنه
برحله مشيا للمدينه
ويامدينه
للاسف تيهنه بيهه
وين مولانه اندفن
عفيه ياارض البقيع
نريد حايط نستدل بيه عن ولينا
نريد نعرف وين صارو
قرة عيون الحبيب
الاجو من بذرة علينا
جنت اظن
يم طه الكاهم ضريح
عمي مويم الضريح
عاد اقلهه
بالصحن
وفجأه لن الشرطه اجوني
شرطه تأمر بالمعاصي
وتنهى عن حب الحسن
قاطعو سلسلة فكري
كالو انته منين ؟
شيعي
كلت مسلم
كالو منين انته صفوي؟
كلت لاعربي وعراقي
والسمار البيه هذا اكبر رهن
وشدو عيوني وخذوني
لقصر اميه
يم بلاط الحاكم فلان ....... وعفن
كلي انته انسان مشرك
كتله عاشك
والعشك عندي غريزه
بالكلب بالدم شكلك
عشك في كل البدن
رد عليه انته مشرك
كتله بيمن
كال بالله
كتله الله انته تعرفه
حتى تتهمني وتحطني
ويه عباد الوثن
فتحت عيني رغم ذاك الحجاب
وانتفض بيه الكلام
وجم كتاب
كتله انه ابن الولايه
انه ابن اهل المباديء
وراضع بدمي الوصايه
وعالقضيه هواي مثلي
هالتشوف شكد ضحايه
والبدايه بجف ( محمد )
من رفع صدق دعوته
( وبياض الابطين )
هذا مولى لكل موالي
يكفي هذا اكبر رهن
وسولفت حد ما خنكته
وابد ماخليت حجه
شلون يلزكلي تهمته
كال انته ارهابي اذن
كتله لو ارهابي انه
جان سموني اخوك
هذا شي انته التصدره
شكد مصايب
بينه من عدكم اجن
والعجيبه شكد رموني
وانه ماحس بعذابي
انه كل همي ارد ازور
وامسح ذنوبي المضن
ياس وشموع بجفوفي
لاتدك بسمار بيهن
شموعي لا ماينطفن
يافرحتي الليله ميلاد الحسن