دارمــــــــــــــــــــــــــــــــــي الخزعلي6

ياولفي جن انسيت عهدك والوعود
كلما ادك الباب كالوا مموجود
---
لاتظن يوم انساه عهد الكطعتة
احرك الروح ابنار لو ولفي خنتة
---
كونك وفي وياي بينلي الاسباب
جاشنهي داير حول ماتوتصل الباب
---
هنيالك انتة الباب تكدر تشوفة
اهلي امنعوا يهواي حتة المشوفة
--
هايم يظل اعليك كلبي انة هايم
ولو مااجيت اليوم تشبع شتايم
--
كافي علية اشبيك دومك تدلل
الما يراعي اهواه تاليهة ينمل
---
ذياب الخزعلي

دارميات روعه اخي ذياب تقبل مروري مع ارق التحايا

هايم يظل اعليك كلبي انة هايم
ولو مااجيت اليوم تشبع شتايم
........................
بوركت اخي لهذه الباقة من الدارميات المعطرة
تحياتي الك..يالغالي..دوم التواصل ان شاء الله

عاشت ايدك باقه رائعه
ننتظر جديدك
تحياتي

صح لسانك يالخزعلي

دارميات رائعة معانيها
شكرا لك ولاحرمنا هذا النبض المتدفق عذوبة

مع تحياتي لك