عمت عينه الكمر ما شبهه بالمحبوب
لايمشي اعله طوله ولاحو اسطوحه
سكن عالي السمه وبعض البشر لاحوا
وفوك الكاع خلي ومحد يلوحه
خلق ربنه الحواري وفاض منهن ماي
طشهن على المحبوب وكمل اللوحه
اجمع ماي خده وفوكه اصب الجاي
لان ينظح شكر ماينظح املوحه
لتمر بالورد محبوبي انه اترجاك
الورد لو شاف حسنك تنسحن روحه
امن الترافه البيك حتى الورد خجلان
يحورية بحر يجمل عروسه
خدك من جمر وشفافي نيران
واخاف يموع خدك من ابوسه
اذا دربك جمر صدك يحباب
اجيلك معتني وبحاله معكوسه
اجيك امشي اعله اديه وعندي الاسباب
اذا اطيح الجمر بشفافي ادوسه
منقــــــــــــول للشاعرالمبدع عدنان الركابي :66 (46):
تقبلوا تحياتي :66 (46):
