يالزاع حديقــــــــــــــــة ورد بخدودك
انه اتمنيت اصير دمعك النديــــــــــان
حته انزل وافوز بشمـــــــــت اورودك
ويل كلك عنب شوخضريت بســــــاع
واول ماطفح عالصدر عنــــــــــكودك
ويل عودك سمح هذا الخصر ياذيــــك
يابه امشي بثكل لاينـــــــــكسر عودك
واخذ مني نصيحه إلبس حـجاب وكوم
صلي واعبد الله وكثر اســـــــــــجودك
لان خايف عليك من حلات الـــــــــبيك
كبل موتك يجـــــــــيك وياكـــلك دودك
يلتلبس دلـــع وانت اول الحلــــــــوين
شامه اعله الصدر منطيك مــــــعبودك
حقك لون تنغر ياوسيع العـــــــــــــين
وتكصر المـــــــــلبس وتحجي بزودك
فرج نعوش عزل مايـــــــــــبيع زنود
لان كل الحلاوه تشـــــــــــــيله زنودك
امبراطور الحسن خلينــــه إلك حراس
نشعلك ابيه اليوصل احــــــــــــــدودك
ولون اتريد جندي ارهابي عدنه اهنــا
بس انطيني بوسه انــــه اول اجنودك
منقوله للشاعر المبدع عدنلن الركابي :66 (46):
تقبلوا تحياتي :66 (46):
