تحيرينـــــــــــي عليمــــــــــــن
تحيريني عليمن
انه محتار
عندي هموم والله تكفي ديره
اذا شالوا عمامي
وياي الهموم
اسود نصبغ هدوم العشيره
عوفيني اعلى حالي
كليبي خلصان
قابل لومتت تنطيني غيره
احس تمثال كلبج
جامد وياي
بخيله اعلى المشاعر
لو فقيره
حنيتي مطر
وتغرك الكون
لكن للاسف
عميه البصيره
عشكت بلا عكل
عشكي بسوادين
وعفت روحي بمتاهتكم
اسيره
دليني الدرب عميه المسافات
لو اني العبد
وانت الاميره
لا رديتي روحي الهامت وياج
ولا عفتي الكلب يعرف مصيره
روحي معلكه
بخصلاتج السود
مثل خيط الربط راس الظفيره
على اسمج نوميت همومي الكبار
والولي ونامت
همومي الزغيره
وطاحت دمعتي وفزن على الاه
الزغيره تهون
شيسكت الجبيره
بقلمي
محمد عبود العبودي
رد: تحيرينـــــــــــي عليمــــــــــــن
كليبي خلصان
قابل لومتت تنطيني غيره
احس تمثال كلبج
جامد وياي
بخيله اعلى المشاعر
لو فقيره
الله يالعبودي قصيده تفعيله اسعدتني قرائتها عاشت ايدك شاعرنا المميز تقبل مروري وتحياتي
رد: تحيرينـــــــــــي عليمــــــــــــن
وطاحت دمعتي وفزن على الاه
الزغيره تهون
شيسكت الجبيره
قصيده راائعه اخي العزيز محمد العبودي وتميزت بها
باارك الله فيك
رد: تحيرينـــــــــــي عليمــــــــــــن
اقتباس:
المشاركة الأصلية كتبت بواسطة سلام الدراجي
كليبي خلصان
اقتباس:
المشاركة الأصلية كتبت بواسطة سلام الدراجي
قابل لومتت تنطيني غيره
احس تمثال كلبج
جامد وياي
بخيله اعلى المشاعر
لو فقيره
الله يالعبودي قصيده تفعيله اسعدتني قرائتها عاشت ايدك شاعرنا المميز تقبل مروري وتحياتي
سلام الدراجي
شكرا الك اخي العزيز لمرورك العذب
واطرائك الطيب
تحياتي وودي
