°°ˆ~*¤ بعد ما اريد فيزه ¤*~ˆ°°

http://www.iraqirabita.org/upload/74.jpg

http://www.iraqirabita.org/upload/79.jpg

قصيدة عتب عراقية للدول العربية بعنوان
(بعد ما ريد فيزة)

بعد ما ريد فيزه ولا لجوء انـسان
............ .. عمت عين الاقامه الدنست صـيتي
واشكر كل صديق وكل خوي وكل جار
............ .. قـفل بابه ورفض يـقبل عراقيتي
خلف الله عليكم والوكـت دولاب
............ .. لا بد يوم يـنزل بيكم ارضيتي
لان اول امس كل البشر خـدام
............ .. جانوا للـعراق واكلـوا ابيتـي
جان الضيف عندي مكرم ومهـيوب
............ .. فوگ الراس اشـيله وهاي تربيتي
ما داعي اسولف وانه ابو النـهرين
............ .. ياهو الـما سمع اخـبار حنيتي
بعد بصـمات اديهم والطبع موجود
............ .. من جانوا جياع بوسط صيـنيتي
يـا دنـيه حرام ومـنكر ومـكروه
............ .. اذا ابـن الـعراق الـيوم وطيتي
معـقوله نسيتي اسم الـعراق بساع
............ .. لـو مثل الـبشر همّن تـناسيتي
مـيفيد الحچي ولا تـنفع الـچـلـمات
............ .. راجع يا وطن لترابـك الزيـتي
راجـع يـا حـبـيبة گـلبي يـا بغداد
............ .. وادرى بكـثر ما ونـيت ونيـتي
وادري لوحّدج عفناج صار سنين
............ .. وادرى من الحزن تابوت سويتي
جيب الاغتراب وحـطه بالـتابوت
............ .. يا غربه الـعراق شكثر اذيتي
ما اعيـش ابّحر مالح طـعم يا ناس
............ .. انه بسجن الـفرات وفقط حريتي
وترابي ذهـب والگاع من ياقـوت
............ .. ومن ثوب الكرامه البسهه بيريتي
واذا گالوا لترجع والوضع مو زين
............ .. اگول اني الوضع والزين تاليـتي
وميهمني بعد ليصير خلي يصير
............ .. طعم الموت اشرف من هجر بيتي
أموت بوسط خوتي ويا حلاة الموت
............ .. من اجمع اهلـنه واكتب وصيتي
وصيتي لو متت لتچفنوني چفان
............ .. لفوني بعلمنه وهاي امـنيتي
واذا تردون اليه بهالگبر ارتاح
............ .. امانة الله دفنوا وياي جنسيتي

مما راق لي

بعد ما ريد فيزه ولا لجوء انـسان
............ .. عمت عين الاقامه الدنست صـيتي
واشكر كل صديق وكل خوي وكل جار
............ .. قـفل بابه ورفض يـقبل عراقيتي
...........................
شكرا" لك اخي الزير لهذا الأنتقاء
سلمت يمينك..
بس غير لو يسمعون الدول العربية
اخوية كلمن امقفل بابة..وعلى السبالت..
اشمدريهم ان احنه عايشين على المهفة؟ظ
يسمعون بينه ثاني اكبر دولة بالنفط !!!!!
مشكور اخوية لك ولشاعرنا الكبير(عباس جيجان)
تحياتي

وصيتي لو متت لتچفنوني چفان
............ .. لفوني بعلمنه وهاي امـنيتي
واذا تردون اليه بهالگبر ارتاح
............ .. امانة الله دفنوا وياي جنسيتي


ماشاء الله
قصيده مؤثره جدا
تحياتي واحترامي الى صاحب القصيده الرائعه
بارك الله بيك اخي
اشكرك

صح لسانك اخي الزير قصيده كلش حلوه ومؤثره تحياتي لك

أموت بوسط خوتي ويا حلاة الموت
............ .. من اجمع اهلـنه واكتب وصيتي
وصيتي لو متت لتچفنوني چفان
............ .. لفوني بعلمنه وهاي امـنيتي
واذا تردون اليه بهالگبر ارتاح
............ .. امانة الله دفنوا وياي جنسيتي


لاتعليق !!!!
لأن من علّق على هذه الكلمات هي دموع العين
عاشت ايدك عزيزي الزير
وايد الشاعر الكبير عباس جيجان
احسنت الإختيار وشكرا للمجهود الطيب

مع تحياتي لك

السلام عليكم

والله قصيدة مؤلمة بحق ومعبرة عن المعناة العراقية
دمت لنا متميزا اخي الزير سالم

تقبل مروري

الاخوه الاعزاء هذه القصيده فقط للمعلومات هي للشاعر foraten.net/?foraten.net/?foraten.net/?foraten.net/? هندي ابن اخت زوجتي وليست للشاعر المبدع عباس جيجان مشكور اخويه ابو ليلى المهلهل رائعه تلك القصيده كانت الاولى للشاعر الهندي بارك الله بيك وتحياتي لكم