كيف اصبر على همي (تريّث ياصدى صوتي وخفف نبرة الأحزان ..)

تريّث ياصدى صوتي وخفف نبرة الأحزان ..
تعلّم من نزيف الجرح كيف اصبر على همي ..


أنادي والسما غيمة تثور بداخلي بركان ..
ودفتر من قصيد الأمس على جال البحر مرمي ..


سكنتك بيت ياكبره وشكلّت بسماك ألوان ..
شربتك كاس بيديني وأثاري الكاس منسمي ...


دخيلك جامل الدمعه !! ترا مهما أكون أنسان ..!!
مشاعر قلب تحكيني وأزود حبرها دمي ..


كرهت البيت بغيابك !كرهت الباب والجدران ..
ليامن شفت لك صورة تنسيني حنان أمي ..


أبرحل وأترك الماضي وأجدد حاضر العنوان ..
ابجمع من شتاتي قلب واسافر في بحر غمي ..


تصور لو نساني الكون وصرت بعالم الحرمان ..
أناديلك .. واصوّت لك .. ولاحتى تجي يمي ..


أمانه لو جعلتني مسافر في سما النسيان ..
أمانه جاوب صوتي لجل مايحترق دمي ..


ابي لو ساعه من وقتك .أنا ماقلت أبيك ازمان ..
أبيك العاشق المغرم على قلبي ومهتمي ..


أبيك تعيشني قصة ! بطل خاين وأنا الخوان ..
أبي كل البشر تحكي وتتسابق على ذمي ..


على هونك ظلام الليل !! أشوف الليل ماقد حان ..
علامك تلوي ذراعي !! تبعثر فيني وتلمي ..


حرام تشوف دمعاتي وتنسى أني بقايا أنسان ..
أحاول اجمع شتاتي وعجزت اليوم في لمي ..


حبيبي لو تبيني ابعد واعانق دفتر الكتمان ..
تعال احضر عزا قلبي مادام الشوف منعمي ..


تصور مابقا فيني سوى باقي رمد بركان ..
ودفتر من قصيد الأمس على جال البحر مرمي ..


تحياتي ..اتمنى تعجبكم ..

منقوول

حرام تشوف دمعاتي وتنسى أني بقايا أنسان ..
أحاول اجمع شتاتي وعجزت اليوم في لمي ..
.............
انتقاء جميل..اتمنى لك التوفيق
لقد تم نقل القصيدة من جانبي لان مكانها الشعبي وليس العام
مع ارق تحياتي الاخوية

حرام تشوف دمعاتي وتنسى أني بقايا أنسان ..
صح والله وصح السانج والسان الشاعر هذا البيت المقتبس برائي اجمل بيت يتلائم معي شكرا ابنتي احلام دمتي بخير وسعاده

كل الهله بيكم منورين ربي يحفظكم جميعاااا
ودوم التواصل ياربي
امير الامراء اخوي الطيب
واخوي سلام الدراجي الطيب
ربي لايحرمني منكم

تحياتي لكم

حبيبي لو تبيني ابعد واعانق دفتر الكتمان ..
تعال احضر عزا قلبي مادام الشوف منعمي ..

رائعة بحق يا أحلام

حاكت القلب والروح

شكرا لك على النقل المميز

شكرا غاليتي ماري لمرورك الفواح دوم التواصل ياربي
تحياتي لكي غاليتي

مبدعة اختي اتمنالك الموفقية يارررب

شكرا اخوي الطيب لمرورك العطر
تحياتي الك