اضل اسنين اودك وانته غالي

اضل اسنين اودك وانته غالي

بعت عمري وشريتك وانته غالي

كل الناس ترخص وانته غالي

غلاتك اغاله من روحي عليه

"""""""""""""""""""""""""""""""""

حبك بالضلع بسمار مندك

واحس كلبي يسولف بيك من دك

كمت اركض على النقال من دك

لان ادري العزيز اتصل بيه

"""""""""""""""""""""""""""""""""
تغيب الروح مره ومره تلهه

وهواي ايام سوده مرتلهه

روحي همر تاهت من رتلهه

تعال وصير عبوه وطك عليه

"""""""""""""""""""""""""""""""""
الك بايع دليلي وانته حر بيه

اموت اني بجمالك وانتحر بيه

افجر كلمن يحبك وانتحر بيه

لان مخصوص حبك بس اليه

"""""""""""""""""""""""""""""""""
غيرك ما حلى بعيني ولا طاب

ولا دونك دخل كلبي ولا طاب

جرحي وياك ما هود ولا طاب

ينزف والسبب بعدك عليه

""""""""""""""""""""""""""""""""

اتمنى ان تنال اعجابكم


(( منقــــــــــول ))

حبيبي ابن الرمادي مشكور ابوذيات رائعه شكرا لك وبارك الله بيك ورمضان مبارك عليك

رمضان مبارك على كل العراقيين ان شاء الله
مشكور حبي سلام على المرور اسعدني تواجدك
منور الموضوع
تحياتي الك

غيرك ما حلى بعيني ولا طاب

ولا دونك دخل كلبي ولا طاب

جرحي وياك ما هود ولا طاب

ينزف والسبب بعدك عليه
.....................................
انتقاء رائع اميرنا
نتمنى لك التوفيق

مشكور امير الاحزان على المرور
اسعدني وجودك في الصفحه
تحياتي الك

عاشت ايدك يالأمير على هذه الباقة الجميلة من الأبوذيات

وشكرا لك على هذا الإختيار الموفق
دام لنا هذا العطاء
مع تحياتي لك

وارجو الإطلاع على هذا الرابط للأهمية عزيزي

http://www.alforat.org/showthread.php?t=22548

شكرا ام فيصل على المتابعه
بارك الله فيكي منوره الموضوع
تحياتي