احنه اني وانت ماكو "احمد الشويلي"

بسم الله الرحمن الرحيم
السلام عليكم

حلم اخر من احلامي الكثيرة ارويه على مسامعكم على امل ان ينال اعجابكم بعنوان.

احنه اني وانتي ماكو




يالاحبك تدري اشكد بيك اذوب
وشوفتك راسا عقب ليش تكلبنة
انت مثل الضحكة بشفاف اليتيم
تبستم ليه الجنان ان ضحك سنة
انت مثل البلبل الماله مثيل
يطرب الدنيا بغناه وهم طربنة
احنة نعشك نبقة احن نعشك بعضنة
واحنة مافد يوم ياعالم نملنة
بحبنة نتعدى احنة كل الطائفيه
ويانه لاشيعة تظل لاتبقى سنة
ونصير اشلون عصر الجاهليه
نكدر نحب ونعيش لنه من ادم نسلنة
تعرف انت اشلون بيه لمن تغيب
البس اسود
من تجيني اتحنة
خلنة نعشك بعد لانهم باليصير
لا نكول النة العشك موش النة
احنة من حقنة نحب نعشك نذوب
وبطعم شهد الهوة انتهنة
انت تعشكني واعشكك
من كثر ما اني احبك
العسل داخ بعسلنة
واذا عنتر عشك عبلة واذا ليلى وقيس قصة
دوخ المرواني ياليلى عشكنة
يمن شعرج ليلة ظلمة وبيج نمنة
ويمن هامج كيمرالسدة تسمة اعله ضواه
من كثر مايسطع جبينك ثولنة
حبنة سووله نصب اسمة الرحيق
وياهو راد يشم وفة يشتمنة
عسل صافي وماي من ماي الزلال
ذولة احنة
احنة ميت سمع قصتنة فد مرة
عدل من موتته وشك لفات جفنة
احنة ما اكدر اتصور كلمة توصفنة
الا احنة
احنة اني وانتي ماكو جنت احبج
بس سكتت وما حجيت
وكلبي ما فد يوم يحليوة تهنة
لان من احجي اخسرج وانة وما عيش
اعله بعدج
كلت اسكت حتى ما اخسر الجنة
ذيج الليالي تسولف بيه وتحجي حلمنة
بالحلم جنة سويه
ودوخ الظلمة عشكنة
ومن صحيت وكون انه لاماصحيت
حلمي راح وبطلوع الليل هم نرجع وهمنة
الليل من يطلع شمس تشرق عليه
والصبح لمن طلع طشر املنة
احنة عشنة قصة بس من طرف واحد
انه احبة وهو مايدري احبه وتاه مااندلينة حبنة
قصة جانت قصة حلوة
تالي بس قصتنة عاشت واحنة متنة

ماشالله
على ابداعك
وقلمك السحري الي
يكتب كلمات وشعر
في غايه الروعه
والطيب
مشكور تقبل مروري

بحبنة نتعدى احنة كل الطائفيه
ويانه لاشيعة تظل لاتبقى سنة

والله وصح السانك وعاشت ايدك اخي foraten.net/?foraten.net/?foraten.net/?foraten.net/? الورده نحن بحاجه الى مثل هذا البيت الذي اقتبسته بوركت وبارك الله بيك

من كثر ما اني احبك
العسل داخ بعسلنة
واذا عنتر عشك عبلة واذا ليلى وقيس قصة
دوخ المرواني ياليلى عشكنة
يمن شعرج ليلة ظلمة وبيج نمنة

جمييل اخي الكريم ان نعيش معك احلامك
وراائع ما كتبت وعبرت عنه من احاسيس مرهفه للمحبوب
وشكراا لك وباارك الله فيك

شكرا لجمال هذا الإحساس عزيزي
كلمات طرزت السطور بعبق الحب
دام لنا هذا المداد

وتحياتي لك عزيزي

السلام عليكم شكرا لكم اعزائي واخواني اعضاء الفرات
على ردودكم الرائعة
انتظروا جديدي
شكرا جزيلا من جديد