أعاتبنك والعتاب يطول من روحي الحزينه

أعاتبنك
أعاتبنك والعتاب يطول من روحي الحزينه ...
وأرد أكلك وين وعدك والمزامط ذاك وينه...
يلي كتلي البعد ماهو فراك
والمحتام يتسله بونينه ....
وكتلي ذمه الدين والمطلوب لازم يوفي دينه ...
كلبي مفتون بعشك سجان ما يرحم سجينه ...
أعاتبنك عتبة محبين واطباع المحب يعتب بعينه ...
أنت مودكيت صدرك للوفه وتعاهدينه ....
ياذنب منه بدالك.. وشغيرك وطيت بينه ...
جنت أظنك عون للسفان
لو جاس الوكت ضلع السفينه ...
وحسبت لنك تعدلي الحمل لو مال وعليك أنتجينه ...
ودعينه الروح بجفوفك رهن حسبالنه جفوفك أمينه ..
ظالم وعندك ارواح الناس تنباع برخص ماهي ثمينه ...
أعاتبنك والعتب شيفيد للما يستحي اويعرك جبينه ..
ياحسافه أرخصت دمعاتي بوجه بذات
ماتنكسر عينه ...
وياحسافه العمر بين فراك وهموم وقهر ضاعن سنينه ...
شحن ايام الفرح والعيد سد بابه علينه ...
وفوك غربتنه وهضمنه المرض دك بسمار بينه ..
أعاتبنك عالكباحه البيك وسوالف الشينه ...
ما مشينه بسجتك لوندري هيج يصير بينه ...
طبعك يشك المراره واليحبك يوشك يكفر بدينه ...
تبنه كلنه ومانردلك ونرجع اوننسه حجينه ...
خايب أدمنه عله حبك جنها كوه وموبدينه ...
جنها كوه ومو بدينه ...
منقول

ظالم وعندك ارواح الناس تنباع برخص ماهي ثمينه ...
أعاتبنك والعتب شيفيد للما يستحي اويعرك جبينه
هذا شو هذاالابداع احلام مشكوره عزيزتي للقصيده الرائعه والنقل المميز شكرا لكي ورمضان كريم

طبعك يشك المراره واليحبك يوشك يكفر بدينه

ههههههه الله يبعدنا عنهم
وتسلمين عزيزتي قصيده مميزه واستمتعت بقرائتها

كل الهله بيكم منورين بمروركم العطر دوم التواصل ياربي
وتحياتي للجميع
ورمضان كريم عليكم