يفجر البين "احمد الشويلي" ارجوا من كل شخص تقع عينه على موضوعي ان يدخل ويقدم تعزيته

بسم الله الرحمن الرحيم

اليوم اسود فيه قد شح الضياء
وقوافل من شباب الوطن
صعدوا للسماء
ماذنبهم ماجرمهم
الا انهم عراقيون
ابرياء
تبا لكل كافرا
تبا لكل ظالما
ابكى الرجال والنساء
احزنتنا ابكيتنا
ومنك كرهنا الاربعاء

يفجر البين رثاء لكل من سقط يوم امس يوم الاربعاء الدامي
اعزي الشعب عامة واسر الضحايا بشكل خاص على هذه الفاجعة الاليمة

واقول لهم


يفجر البين



طلع لينه الفجر فرحان هذا اليوم
يفجر البين تطلع ماتمنيتك
ريتك عفت لينه الليل كل اليوم
تغفة بنومتك ها يالفجر ريتك
فزيت انت لينه وطشرت الاحلام
حتى الناس تحلم بيك
عفتك ثق وفزيتك
وي طلت الفجر ونت ارض بغداد
ما ادري شحصل يايومي ونيتك
ونيتك عله اصوات البكاء البيك
ومعرفت الوكع يايومي عزيتك
ورة لحظة سمعت الخبر بأذني يصيح
يعراقي ميات الغادروا بيتك
طكت عالمعلم عبوة هذا اليوم
ونامت عالرصيف الليلة تربيتك
عله اعكال الزلم بفندق رشيد تثور
طكت ماتريد الخوة في صيتك
بنص الخارجية التنفجر شتريد؟
تريد أتهجرك وتنمحي جنسيتك
بالمستنصرية العلم كله هناك
وتشضى العلم واوكعت كليتك
عمت عيني لون شاهدت هذا اليوم
يوم الدنست الجلاب قدسيتك
وما ثار الفشك وي مرت الجناز
لمن راح العلي "ع" يدفن بأوديتك
بس اكتب شعر قلة اعله اليودعون
وما اخذ الثار امن الهجم بيتك
اريدك بس تكلي عن اليفجرون
ريتك بس تكلي اعليه ياريتك
جا غركت كاع الوطن من دماه
وتهلهل تبقي بس وتركص اقضيتك
يمن فجرت كلي منين انت يادين
من يادولة اجيت انت وكراهيتك
انت ابن الزنا متأكد انه لزوم
حليبك موش طاهر نكسة تربيتك
جذب منته عراقي وهالامر معروف
والا اتبرت وماتت عراقيتك
لاشيعي ولاسني اليقبل بهالحال
واذا من العجم تلزمك حنيتك
السياسي ايسوي كلشي اعله الكراسي اليوم
وسياسي ان كنت ماتقبل سياسيتك
شيطان انت كافر انت ابن ابليس
معروف انت اوطه من الوطي صيتك
لعنت الله عليكم كل شرق وغروب
وبكد من كتلتوا عليكم اللعنة
احنه ننوح نبجي يثور بينه الظيم
وهو مابي حزن بل مبتسم سنة
بعد متشوف خير تشوف منه هموم
وكل من مات بعدك لازم ندفنة
ننطيك احنة راتب من جدم بغداد
تدوس عليك كل عيلت شهيد بعمرة متهنة
وننطيلك علاوة وموش بالطلقات
ننطيك احنه بس شويه من همنة
انفجارك موتانة هيج انت تكول
أكلك ثكل همنة وهو كتلنة
وحق كل من وكع هاليوم في بغداد
وحك كل ام بجت وجفهة بدمة تحنة
وحك كل ارملة وكل يتمة في هالكاع
لايظن راح يحيى الظلمة يتمنة
سلام اعله الجثث واعله الجنازات
وسلام اعله الدموع بعين اهلنة
سلام اعله الكبور الملت هالكاع
وكل شخص انصرع ظل يبجي جفنة
أجت تبجي عيوني وانه مرضيت
وكلت الدموع لعدانة مهي النة
وأجت تلطم اديه وصرخت ليش
الطاحوا بالنعيم الهم الجنة
ضحوا للوطن والشرف والكاع
ماماتوا حيوا عاشوا وعشنة
طلعوا عالتقاعد خدموا سنين
ولازم نكرمه من كبر سنه
نتعين بدلهم اكبر اكرام
ونظل نحميه لل لوحة وطنة

سلام اعله الجثث واعله الجنازات
وسلام اعله الدموع بعين اهلنة
سلام اعله الكبور الملت هالكاع
وكل شخص انصرع ظل يبجي جفنة

أسأل الله العلي العظيم
ان يتغمد شهداءنا بواسع رحمته
ويشفي جرحانا بحق محمد وآل محمد

وحسبنا الله ونعم الوكيل بكل من آذى العراق والعراقيين
لابارك الله فيهم
والله ينتقم منهم قريبا عاجلا

عاشت ايدك عزيزي
قصيدة معانيها جدا جميلة
ولكن اعتقد ان هناك خلل بالوزن في بعض الأبيات
ارجو تقبل نقدي فهذا مارايته

ولكن بالعموم قصيدتك صرخة عراقية اصيلة ضد الظلم والإرهاب

مع تحياتي لك

جذب منته عراقي وهالامر معروف
والا اتبرت وماتت عراقيتك
لاشيعي ولاسني اليقبل بهالحال

تسلم اخي foraten.net/?foraten.net/?foraten.net/?foraten.net/? على القصيده المحزنه نسال الله ان يتغمد شهدائنا بالرحمه الواسعه ويدخلهم فسيح جناته وحسبنا الله ونعم الوكيل

بارك الله بهذا اليراع وما نطق


\
\

هم العملاء الأنجاس يملأون أراضينا الطاهرة

يبيعون كرامتهم بأرخص الأثمان

وسيأتي يوم ويرميهم الأجنبي حثالات لا قيمة لهم


\
\

تغمّد الله شهداءنا برحمته

واللعنة على كل من باع عرض الوطن وشرفه


\
\


أليس الصبح بقريب؟؟؟

رحم الله جميع الشهداء ويبقى العراق شامخا باهله الشرفاء
وباارك الله فيك اخي العزيز

بسم الله الرحمن الرحيم

ولاتحسبن الذين قتلوا في سبيل الله امواتا بل احياء عند ربهم يرزقون

صدق الله العظيم

اقدم تعازيي الحارة الى عوائل وأسر
الضحايا الشهداء .
سائلين المولى عز وجل ان يسكنهم فسيح جناته.

شكرا لكم اخواني واخواتي الاعضاء على مروركم بموضوعي المهم بنظري ونظر كل عراقي وعربي شريف بل وأنسان يعرف معنى كلنا لأدم وأدم من تراب لانتعالى على بعضنا البعض ويقتل احدنا الاخر ظلما واللعنة على من يعتبر نفسه خالدا فهم السابقون ونحن اللاحقون.