قصيدة الى قصيرة ومدعبلة(حنو)

عسل كيمر شكر بخدودج لكيت
شنهي ربج خالقج من نستلة
واني اكول السكري اجتاح العراق
ثاري انت اسباب هاي المشكلة
من تفوتين بدرب ياخذ سلام
الكاع توكف لج تكلج ياهلا
الناس هسة بمرحلة اولى جمال
وانت قبل اسنين باخر مرحلة
انت اهلج بالزغر ماكحلوج
من اجيتي من السماء مكحلة
فوكَ كلشي ال(على) تعني بالكلام
وانت من دون الخلكَ فو ال(على)
موجميل بغير وجهج كل جمال
والكمر لو مايشبهج ماحلى
من ثكًل وزن السحر وسط العيون
نزل طولج لأن مايتحملة
والتواضع نزلج لليرتجيج
والنخل للكاع تمرة شماعلة
مدعبلة ايغارون لو كًالوا عليج
هو طبع الشمس هيج امدعبلة
كلمات الشاعر= علي شاكر =علوش نانا

والتواضع نزلج لليرتجيج
والنخل للكاع تمرة شماعلة
مدعبلة ايغارون لو كًالوا عليج
هو طبع الشمس هيج امدعبلة
...........................
بداية موفقه اخي الغالي معنا
انتقاء جميل..استمر اخي فانا بانتظار جديدك
تقبل مروري المتواضع..

احسنت عزيزي

ومرحبا بك فراتي جديد في احضان الفرات
شعر غزلي جميل
وكلمات واحساس اجمل

مشاركة مميزة
دام لنا هذا العطاء
وننتظر جديدك