شعر جميل للشاعر الكبير خضير هادي

يمَ عُيون كبار ...
عليج مِنْ الهوا أغار ...
أُرحمي بحالي جنيت ..
ولج بالروح ضحيت..
وبكلبي تشب نار ..
أحسبيني ِهدم وكومي لبسيني ..
هم ِتدفين إنت وهم تدفيني ..
يوم الماشوفج شنو بعيني ..
ماأدري بالدنيا صار ما صار ..
~~~~
هدب عينج يا حلوة غطى الخدود ..
ومن حبج يا حلوة شو صرت عود ..
ما انسة لابد بهواج مشدود ..
لو هذا الرمح بضلوعي يندار ...
~~~~
يم أعيون تحجي وسحر مليانة ...
وكسرات الي بشفتج تعبتني انه ..
ولهانة بهواج الروح ولهانة ..
وما باقين أحنة بهل الزمن خطار ..
~~~~
بس أنظر الوجهج روحي مني تروح ...
وأظل أضحك جذب وبداخلي مجروح ..
بحر عينج بحر يتلاطم بهل روح ...
وانه خايف كليبي ياخذة التيار ...
~~~~
شنو طولك خيزران شكد حلو ممشاج ..
ياهو الجابج علي ياهو الوداج..
تعب بيج ربج لمن سواج ...
صبج من ذهب ماخبط بيج حجار ..
صبج من ذهب ما خبط بيج حجار ..

تحيه الك يالمحظوظ على نقل قصيده جميله للشاعر خضير هادي بارك الله بيك

اقتباس:

---

المشاركة الأصلية كتبت بواسطة سلام الدراجي

تحيه الك يالمحظوظ على نقل قصيده جميله للشاعر خضير هادي بارك الله بيك

---

تحياتي الك يا وره
وبارك الله بك على اسلوبك الجميل
شكرا لك اخ سلام
:66 (46):

صح لسانك ولسان الشاعر خضير هادي

قصيدة غزل جميلة وكلها احساس وحب

شكرا لك ولهذه القصيدة

مع تحياتي لك