مساجلة شعرية بين شعراء عراقيين

آخ من وكتي شكثر لوعـــــــــــــــاته
بية بيّس خوش اخذ طـــــــــــــــگاته

بيه بيّس خوش راواني الوكــــــــت
مني اخذ طگاته وبداً ما صــــــحت
خله اعز الناس لو بيه حشــــــــمت
عني سَد اذنة اورضا ابســـــــكتاته
خالد العبودي (الديوانية- شنافية)

عني سد اذنة ولا چّني اصـــــــــــيح
تحيرت لا آني حي او لا ذبيــــــــــح
صرت چالسمچة بشبچ واعي تطـيح
شلون تخلص گلـّّي من عـــتــــّـــــاته
كاظم الوائلي(ديوانية- شنافية)

شلون تخلص من دواليب الزمـــــان
شينة بانت غايتة او لا بيه امــــــــان
امن الزمن حاذر واشد من اللــــسان
حاذر او لا تامن الزلاتـــــــــــــــــه
عيسى ابو طبيخ ( السماوة- رميثة)

حاذر او كلمن يأمن منــــــــــــخدع
او كون واعي الوكتك بشوف او سمع
الشهد من تجنيه اتوطن للســــــّـِـــــع
الزمن شريِن والحتف لســــــــــــعاته
صباح الفحام ( النجف)

لسعاته من تولاك ما يــــــــــنفع دوه
او لا يغرك هالزمان اشما حــــــــوه
بيه حياية او بيه عگارب بيه هــــوه
ماتميل اوية الهوه او راياتــــــــــــه
كاظم الناصري (ناصريه)

ويّة نفسك والهوه بالك تمــــــــــــيل
ونهض ابحمل الكلايف لو ثجـــــيل
لا تهبّط للزمن تصبح ذليـــــــــــــل
ولا تدوخ انتة بكثر صيـــــــــــحاته
يوسف كطان السماوي (السماوة)

مضحكة الدنيا اشعجب منهة ندوخ
والعرفهة بلا قلق منهة يــــــــفوخ
والركبهه اتغرة بالهيمة او تـــنوخ
واتبعهة ادوهن بتيــــــــــــــــهاته
عودة الشحماني (البصرة)


شما يطيح اعليك چيد او عانِـــــــــدّة
صگر صير أغراب وكتك مرعـــدة
الينفض اگوامة او يصير ابنص عِدة
ما تطيح الا بشخص چــــــــــــيلاته
ابو مريم الكربلائي(كربلاء)

آخ من وكتي شكثر لوعــــــــــــــاته
بية بيّس خوش اخذ طــــــــــــــگاته

اتمنى ان تنال رضاكم
تحياتي للجميع

عزيزتي احلام مربعه جدا رائعه والمربعه تسمى التجليبه تحياتي لكي ابنتي العزيزه ودمتي بالف خير

تسلملي ابوي الطيب سلام الدراجي لمرورك الي اعتز بي كثيرااا وشاكره مرورك العطر
تحياتي