ماشيتك عمر والعمر عده وراح.............

ماشيتك عمر والعمر عده وراح

وانت بلا حساب وتنظر لعمري
-

وصبرت هواي لجلك والأمل موجود

وانت بسرعه تكطع ياسك بصبري
-

خاويتك دهر كلت الايام يجوز

بيهه يعود عقلك واسعد بكبري
-

وانطيتك شطاح بايدي حتى ارضيك

فـقـيـر وكرم طبعي واكــرم بفـقري
-

بين شيب راسي وما نلت مقصود

جا يمته الزرعته ينحصد مدري
-

حد الموت يمكن عطفك النه يكون

ما ريده اذا رجلي اوصلت كبري
-

بقلم

الشاعر المبدع
شاكر الهلالي



وطبعااا والله ابكاني هذا الشاعر بهذه القصيده الرائعه

احببت نقلها لكم
تحياتي

شكراً لكي على هذه النقل الرائع والاروع هي الكلمات تسلمين على هذا الأبداع الذي سطرتيه هنا دام تميزك وعطر حبرك تقبلي مروري وتحياتي

اللهم لا ابكى لكي عين بعد عيني احلام دمتي بهذا التالق وهذا الابداع ويشكر الشاعر الهلالي وبارك الله بيج

اسعدني مروركم وتواصلكم اخوي الطيب سلام الدراجي ربي يخليك ياطيب
وغاليتي الورده الجوريه
تحياتي الكم