وك ادري بهواك / بقلمي / لعيونكم

وك ادري بهواك اشكثر عاشر ناس
ليش دير وجهك يا ترف عني
عفت كل الحصل وياية ذاك اليوم
موقف صدر منك ولك خبلني
عفت سهام غيري وصدت سهمي بساع
وتدري بسهمي انت يصيب ميثني
بدت حرب الاعصاب وياي باول يوم
وهجرتني المشاعري والكلب ذلني
شفت روحي بدت تنساب من اعضائي
كلت الموت جاني وبعد ميهدني
تشاهدت وقريت الفاتحة اعله الروح
وبجيت اعلى الفراك الحيل عذبني
احس بدموعي تجري وجرحت لخدود
وحسهة بللت كل جسمي وي جفني
وبعد فترة اجاني الجان غايب دوم
كعد يم كبري يبجي وكام يسألني
يكلي اعرف ولك ما عفتك انة بيوم
بس الظرف يحكم منك اسلبني
وجعلني بلا كرامة ومسح بيه الكاع
وخلة اتفه الناس تريد تخطبني
وجيت اليوم اودعك يا اعز الناس
احبك ولك انة بكثر متحبني
تمنيت الله بس ايعيشك يفلان
جا راويتك الحب لمن ايغني
وحضننك وشبعك بوس من شفاك
وموتك بيدي خايب من اثر وني
اسألك شنو حالك ليش ساكت هيج
مو جنت اعله حالي دوم تسألني
عمت عين الزمن بعدك عني بساع
وشفت سهام موتي لاجن اخطني
بعد هيهات عود اتلمس انة شفاك
وشفافك كلاهة الدود متهني
بعد شتريد اسوي تريد اصيراً دود
وعيش برعب منك خاف تسحكني

وك ادري بهواك اشكثر عاشر ناس
ليش دير وجهك يا ترف عني
عفت كل الحصل وياية ذاك اليوم
موقف صدر منك ولك خبلني
....................................
قصيدتك تأملتها كثيرا"
وصفقت لها كثيرا"
عندما تكون هذه الكلمات نابعة من وحي الهامك وما جاد به قلمك اليافع
لماذا لا تطلق على نفسك شاعر من السماء على ان لاتكون انت المطر ينزل من السماء
انا اشد على يديك ..وابارك لك هذه القصائد الرائعة المتناسقة والموزونة بالشكل المطلوب
بوركت يا شاعرنا ..
انا هنا بانتظار جديدك..على امل انها تكون من كتاباتك الرائعة

بارك الله بيك اخي العزيز ..
قصيده رائعه ومؤثره
دمت بود عزيزي
كنت هنا
ام علاوي

كلماتكم المتناغمة مع الحس الشعري العراقي تصدر ديوان تفاؤل يعم بضجيج الثقافة وتنسال منه قطرات أمل تبني سد مطربل بمواد وطنية ترسمها اقلامك الساحرة المتشضاة في تباشير اصطباحية تغرد لمطلع شمسها عصافير الحب ..... تحياتي لكم ايها الاعزاء .

احسنت عزيزي
وصح لسانك
كلمات رائعة ومعاني جدا جميلة
عطر كلماتك المؤثرة اغرقت السطور
فلا حرمنا هذا المداد الجميل

تقبل تحياتي ------------ ماء السماء

احسنت وبارك الله بيك اخي العزيز قصيده جدا موثره واحساس راقي تسلم وشكرا لك

الله الله على التفاعل وايقاد نيران الثقة بالنفس ...........شكراً لكم جميعاً