-
الراجل مش زى الست
البنت : انا من حقي انا كمان اشتغل زى مانت من حقك تشتغل
البنت : انا من حقي عربية انا كمان خاصة بيا بدل ما اتبهدل في المواصلات
البنت : الراجل مايفرضش راية عليا في الحجات اللي تخصنى انا حرة في نفسي زى ماهوة كمان مش مخلينى اتحكم في نفسة
البنت : انا من حقي اخرج كل يوم اشوف اصحابي زى مانت بتشوف اصحابك
البنت: انا من حقي اعلي صوتى في البيت لو الراجل على صوتة في البيت هوة مش احسن منى
البنت : انا من حقي اجى في اي وقت البيت زى مانت بتيحى في اي وقت
البنت : انا من حقي البس اللي انا عاوزاة حتى لو مكنش عجبك زى مانت مش بتخلينى اتحكم في لبسك
.....................
وغيرها من الحالات اللي بتهدف الي شئ جديد يسمى في تشبيه احمق : المساواة
البنت : المجتمع دة مجتمع ذكوري ظالم مفهوش مساواة بين الراجل والمراءة ولازم يبقي فية مساواة
---------------------------------------------------------------------------------------
ضع علامة صح امام العبارة التى تراها صحيحة وعلامة خطأ امام العبارة التى تراها خاطئة من وجهة نظرك:
السؤال الاول :
أ----البنت لو شافت واحد في الاتوبيس محتاج يقعد تقوم قايمة من مكانها علشان هوة يقعد (صح ام خطأ)ئ
ب-- الراجل لو شاف واحدة في الاتوبيس محتاجة تقعد يقوم قايم من مكانة علشان هيا تقعد (صح ام خطأ)ئ
------------------------------------------------------------------------------------------
السؤال الثانى
أ--البنت لازم تروح تعرض نفسها على العريس وتتعب علشان تلفت نظره وتشوفة وتقولة موافق تتجوزينى ولالا؟؟
ب-- الراجل لازم يروح يعرض نفسة على العروسة ويتعب علشان يلفت نظرها ويشوفها ويقولها موافقة تتجوزينى ولالا؟؟
-------------------------------------------------------------------------------------------
السؤال التالت:
أ--البنت تدفع مهر وشبكة وتتحمل تامين الحياة والمعيشة ماديا طول العمر والا
تعتبر مقصرة
ب-الراجل بيدفع مهر وشبكة وبيتحمل تامين الحياة والمعيشة ماديا طول العمر والا يعتبر مقصر
------------------------------------------------------------------------------------------
السؤال الرابع:
أ- البنت لازم هيا اللي تحكم بيتها وتبقي كلمتها مسموعة ل فيما يخص الزوج لانها هيا اللي بتتحمل اكتر المسئولية وهيا اللي بتتعب اكتر في ميادين الشغل والعمل وبتقبض اكتر منة علشان راحتة وتوفير الاستقرار لية ولبيتة
ب- الراجل لازم هوة اللي يحكم بيتة و يبقي كلمتة مسموعة فيما يخص الزوجة لانه هوة اللي بيتحمل اكتر المسئولية و هوة الي بيتعب اكتر في ميادين الشغل والعمل وبيقبض ويصرف اكتر منها علشان راحتها وتوفير الاستقرار ليها ولبيتها
---------------------------------------------------------------------------------------------
بعد الاجابة على الاسئلة
اذا كانت اجاباتك على الاختيار-- أ ---باجابة خاطئة والاختيار --ب -- باجابة صحيحة
فاعرفوا بقي ان مفيش حاجة اسمها مساواة و الحجات دى ودى امثلة بسيطة وفيها غيرها كتير بتاكد ان الراجل غير الست و مفيش حاجة اسمها مجتمع ذكوري ظالم للمرءة والافكار المستوردة دى كلها اللي بتجيلنا من برة لا دة احنا مديين المراءة كل حقوقها ومش تاعبينهم في اي حاجة
-------------------------------------------------------------------------------------------
اما اذا كانت اجابتك على الاختيار ---أ-- باجابة صحيحة والاختيار --ب--- باجابة خاطئة
فاحب اجيبلك عريس لقطة من سويسرا مطول شعرة وحاطط علية توكة ولابس اتنين اريل مش حتحسي معاه ان فية اصلا حاجة اسمها مجتمع ذكوري ولا حاجة اسمها مساواة لانكم انتوا الاتنين حتبقوا شبة بعض
