شامخ ياوطن/بقلمي... لكل عراقي

شامخ ياوطن تبقة انت فوك الراس
دمرت بشموخك فزعة الجورة
لئن عمرك بقيت بلا ونيس وياك
مثل الضوة تشع واخفو اثر نورة
صرت انت القلم يامبدأ الكلمات
وخلوك العجم يا حيف صبورة
ومشت اجيالهم تتخطة فوك الغيم
وهسة اجيالنة بالضيم مطمورة
وسط دهليز عايش يا وطن ضليت
لاعنوان الك لاوصف لاصورة
حرامات اليصير البيك هذا اليوم
عشت عمرك وسط اسوار معمورة
هجين التم عليك مشكل الاجناس
وابنك خالفك وانحدر من طورة
جرد لون الخضار الجان فوك الكاع
وفراتك ناشف ومكسور ناعورة
عجيبة اطفالك الجانت تفر الكون
بمراجيح الفرح لليوم مهجورة
شفت طفلة تباوع من ورة الشباك
ورة يومين شفت الجامة مكسورة
سألت اعلة الحصل يم باب هذا البيت
كالو امس يمهم عبوة مفجورة
عجيبة المن تسولف يا هو يشفي الآه
وحتة الآه من تصيح معذورة
بعد ما اشكي حالي ولا اسولف بيك
كل افكاري بيك اصبحت مغدورة
دعيش انت بسلام وعلم الاجيال
ومحي افكار حكامك المقبورة
لان تدري العراقي شكثر عاش بضيم
ضل مثل الاسير او مالعب دورة

والله وصح السانك اخي ماءالسماء فصيده روعه عاشت ايدك وبارك الله بيك

شامخ ياوطن تبقة انت فوك الراس
والله وعاشت ايدج وربي يبقى العراق شامخ واحسن الاوطان واشرف الاوطان

تحياتي

دائما وابدا يبقى العراق في الاعالي
ان شاء الله
شكرا لك اخي الكريم
على روعه القصيده وجمال معانيها
تقبل تحياتي وتقديري
مع اطيب الامنيات

حقيقة ردودكم تفعم بالوطنية والأمل وتوبخ الذات في داخلي تحياتي لكم ايها الاعزاء بوركتم بما تلحفتم من ثوب الوطنية التي تجري في عروقكم ...... وفقكم الله .

عجيبة اطفالك الجانت تفر الكون
بمراجيح الفرح لليوم مهجورة
شفت طفلة تباوع من ورة الشباك
ورة يومين شفت الجامة مكسورة


تسلم الايادي وانشالله يبقى شامخ بناسة الطيبين يارررررررررررب