وتصيح الله واكبر للشاعر ايسر الاعسم

أرجـع يالرحت بعيد عن بغـداد


وسكنت هناك دولة ما هي دولتنه
حقك من رحت جان الوضع مو زين


تفجيـر وقتـل وأرهـاب موتنه


بس هسه الوضع مو نفسة ذاك الجان
عراقييـن كلنا وهـاي طيبتنـه



بعد جوادر مأتم وأحـزان
كبل جانت كبل بسنين شدتنـه



عبرناها الشـدايـد والحمد لله
وهالدمع اليصب هذا دمع فرحتنه



كافي من الغرب مو صار خمس سنين
مل حتى الغـرب مو كثر غربتنـه



أرجع للأهل للصحبة والأحباب
نلتم مـن جـديد يا محلة لمتنـه



أرجع للنجف لدهوك والأنبـار
لتكريت وسماوه أرجع لبصرتنه



أرجع للفضل للثورة والنعمان
مناطقنه اصبحت والله جنتنه



يــا دجلة الخير يا أم البساتين
هم
أرجع وأرتوي من ماي دجلتنه





أضربلك مثل صغير عن بغداد
حاول تفتهم وتشوف حيرتنه


بغداد الحضن والشرف والديرة
والأم والحبيبـة وهي هيبتنه


عايف هالحضن وساكن بغير احضان
وعفت هذا الشرف وهجرت ديرتنه


أرجع والنصر والله يعود وياك
وبيدك هاي بيدك شيل رايتـنه



أدري أنت وفي وأدريك ما مرتاح
وتصيح الله واكبر لغربة ذلتنـه



وأدري أنت أصيل ومعدنك يا نوع
وأدري انت الشهم والغيرة فزعتنه



أفرض بالغرب لاكاك ملك الموت
وبتراب نزلت ما هي تربتنـه



درجع والجواز هناك شمرة بعيد
ومزكها الأقامة وهاي فرحتنه



أرجع والفرح ينتظرك ابغداد
أرجع و الوطن محتاج وكفتنه


أرجع بغـــداد مشــــتاكة لمتنــــــــة

وسكنت هناك دولة ما هي دولتنه
حقك من رحت جان الوضع مو زين


تفجيـر وقتـل وأرهـاب موتنه


بس هسه الوضع مو نفسة ذاك الجان
عراقييـن كلنا وهـاي طيبتنـه




تسلمين والله كلام من القلب

ومعبر وان شاء الله يبقى العراق رافع راسه
ويرجع كل مغترب لوطنه
تحياتي لكي

اموره قصيده رائعه عن الوطن عاشت ايدك على النقل الرائع وهيه للشاعر ايسر الاعسم شكرا ليك ابنتي العزيزه

تسلمووووووو على ردودكم الرائعة نورتو صفحتي بوجودكم

سلمت الانامل
على هذه القصيده الرائعه
انتقاء مميز وجميل
تقبلي مروري اختي العزيزة
مع ارق التحايا
واطيب الامنيات