خليني على جرحك ملح حب وشوك
حتى ايطيب جرحك من تلامسنـــي
أطشر حزن وترس أحضون الكاع
تحتار انته بيه شلون متلمنــــــــــي
رصاص انه صرتلك يلصرتلي النار
دصهرني على كيفك مثلماتحبني
علكني على راسك خضرمه من العين
حتى أطيح بيه وماتفاركنــــــــي
يانهر العسل ونه الجروف شلون
ما أشرك أذا كلساعه تردسنـــــي
حطني بقفص حبك بلبل ومسجون
أريدن بس اشوفك لاطيرنــــــي
خليني بخيالك سالفة عشاك
حتى شما يطول اليل تذكرنـــــي
سويني شمع واشعل براسي النار
حتى شما أضوي بنورك اتغرني
صبرني جذب وخلق قصص واحلام
انكسر خاطر دليلي وبيش تجبرني
ما أكدر اعوفك لان انته وياي
تصعدالنفس بيدك لا تغالطنــــــي
ولا تحرك شجريبسه بهجرك ضيم
تتحمل خطيتي الجان تحركنـــــــي
وطربني على عودك خلي عيني تنام
ولو مايوم مره النوم ذاكرنــــــــــــي
منقوووووووووول
