دمعة يتيم (للشاعر المبدع علي الغنيمة)

طفت شمعة !!!

وضوت شمعة !!!

وطفت بيدك يالمدلل !

وانه وروحي على اجروحي

ابات ابظلمتي امعلعل

وزماني الراح مايرضه الجروحي اتهيد

ولاحظي العكس وياي يتبدل

وغشيم انه اطلعت !!

وعيوني غشني !!

ابخيط العنكبوت البيت مايكمل

غشيم وصدكت باحلام جذابات

ورديت ابفشلتي الفرة المغزل

رديت الطحن رحة زماني الفات

ورد بيه الحزن يحصد حصد منجل

غرتني ابتسامه وامنتني اظنون

حسبالي ابربيعك ماورد يذبل

اكطر روحي لورودك واصيرنلك

ورد والوحشتك مشتل

بكلب صافي سكيتك واشتم اتمنيت

لن طبعك غرور اتريدني اتوسل !!!

جذاب اليكلك طبعي يتبدل !!!

جذاب اليكلك طبعي يتبدل ؟؟

ولو حيلي ابمحبتك

كمت احس ينحل !

لجن طبعي الكرامة وما اطخ الراس

يالقصدك اتذلني ؟؟؟

ذاك انه المشعل

اكص كلبي وادوسه

وما ادير العين

خافنك شفتني احتار من تزعل ؟؟؟

انه امشرب حزن

موجديد الصار

منك يالمثل غيرك فلاتندل

انه الدرب النظيف امفرح اليمشيه

وانته ابدرب غيري اتريد تتختل !!

روووووووووووح
روح امعلم اداوي اجروح
انه دمعة يتيم
وعيني ماتبخل
انه دمعة يتيم وعيني ماتبخل



تحياتي

سلمت أنامل الكاتب وانامل اللي نقلها كلمات رائعة شكرااا و تقبلي مروري مع أطيب التحايا وأجملها

انه الدرب النظيف امفرح اليمشيه

وانته ابدرب غيري اتريد تتختل !!

روووووووووووح
روح امعلم اداوي اجروح
انه دمعة يتيم
وعيني ماتبخل
انه دمعة يتيم وعيني ماتبخل


الله الله تسلمين على هالنقل المميز

كلش حلو عاشت الايادي الي كتبت والي نقلت

ننتضر جديدكي

تحياتي

بكلب صافي سكيتك واشتم اتمنيت
لن طبعك غرور اتريدني اتوسل !!!
لا والله رنا لا تتوسل هكذا انتي دوما رائعه في الاختيار دمتي بخير واتمنى لكي الابداع مع ارق التحايا