(((من تجينــــي تبــوس جرحـــــــي)))
(((من تجينــــي تبــوس جرحـــــــي)))ميثــاق الهلالـــي
ليش كلما أوصل عيونك
تسد بوجهي باب...
وتطفه روحي.....
وترجع جنازه
بكبر فشلة جرح....
وليش كلما أنسه روحي بّاب شفتك
من تجيني تبوس جرحي
تگطّر شفافك ملح...
وليش تكبر بيّه ليل
عيوني ذبلت
خضّر بجفني ولو گطرة صبح..
آنه مذبوح أعله قبلة نار هجرك
لاتواسيني برمح..
ويالسچاچينك فلح
لاتگصي بيه....
جروحي صبخه
وماتفك ياخه الفلح......
و بكلشي أقبل
مرني لو تابوت بارد
مرني لو صفگة شماته.....
لياوكت
غافي عله بابك...
خل يمر طيفك
ولو شهگة نعش....
چنت أتاني الغيم يمطر صورتك
فوگ العطش....
ومرت الغيمه
وعصر وجهه النهر....
وانه وشفافي ودمعتي
تسودنت من فشلتني
وگتلي رايح.......
درت وجهي
وغيمتك مطرت سفر...
ماگلتلي من البدايه!!
الحب ضلاله ..
الشوگ لعنه...
حته لاأكفر وأحبك ...
وماگلتلي!!
عيونك الحلوات
مابيهن قرار!!!
وماگلتلي!!
الليل شيّع كل محطات الضوه
وصارت مگابر
حته ماتاني القطار....
وليش ترسمني شبابيچ إنتظار
وتخنگ خيوط الشمس....
ويذوب وي روحي الوعد...
وليش تصلبني عله بابك
وأنت تدري الشمس ماتت....
ماگلتلي الصبح مايطلع بعد...
ماگلتلي
الصبح
مايطلع
....... للشاعر ميثاق الهلالي :66 (6)::66 (46):
__________________
رد: (((من تجينــــي تبــوس جرحـــــــي)))
قصيده رائعه من ناقله رائعه مثلك بلسم وعاشت ايد الهلالي الشاعر المبدع دمتي بالف خير
رد: (((من تجينــــي تبــوس جرحـــــــي)))
وليش تكبر بيّه ليل
عيوني ذبلت
خضّر بجفني ولو گطرة صبح..
آنه مذبوح أعله قبلة نار هجرك
لاتواسيني برمح.
كلمات في غاية الروعه اختي اتمنالك الموفقيه اختي
رد: (((من تجينــــي تبــوس جرحـــــــي)))
ماگلتلي من البدايه!!
الحب ضلاله ..
الشوگ لعنه...
حته لاأكفر وأحبك ...
...........................
الله الله بلسم
انتقاء جدا" رائع
تسلمين عيوني
رد: (((من تجينــــي تبــوس جرحـــــــي)))
كلمات رائعه من قلم مبدع
رائعه واكثر كلماتك غاليتي
ابدعتي
سلمت اناملك الراقيه على هذا الطرح الراقي كرقتك
تقبلي مروري المتواضع
تحياتي لك
رد: (((من تجينــــي تبــوس جرحـــــــي)))
الجمال بمروركم يكون
والرقي بردودكم يكتمل
فان كان من الاعماق شكرا
فلكم من الحنايا ارق التحايا
دمتيم بود
تحياتي
