المصايب عندي تكثر يوم عن يوم مدري شبيها هاي الدنيه

المصايب عندي تكثر يوم عن يوم مدري شبيها هاي الدنيه وياي
جبت عمري بحزن ودموعي صارت سيل ونكلبت عليه بعوج دنياي
العنده مصيبه تهون اله بيوم بس اني المصياب تكثر هواي
شربو خمر باكو نهبو فلوس وعاشو بل سعاده بضحك الايام
وانا المتقي الله وعايش عل جاي تكلب دنيتي وعايش بل احلام
مدري اصبر وخاف الصبر بيه يطول واموت من الصبر وتذوب الاجدام
مدري افرح وعيش الدنيه وي الناس وانسه الهم وعوف الصبر والايمان
بس درب الهدايه العافه خسران ويحول طريقه الذله الاحزان
عوج حضي كضيته ومافرحت بيوم وكول تهون هيه الدنيه سهله
وسهله وسهله وكضه عمري سنين صفاني كشر عل قهر اتسله
ومشيت بكل درب عطشان اريد الماي وهوه الماي يمي ومادنيته
خفت من الملامه اتصيح اليه بيوم وتكول الماي خلص من اجيته
محطات العمر كلمن عرف تاليه بس تاليتي اني الماعرفنها
اذا هوه شبابي انكضه غربه ونوح وتتاني المحطه اتريد امرلها
اليسال عل فرح دزوه اليه بساع بكلت يقره نوحي ويشتري حزني
واعرض كلشي اله من نوح من اهات وخل يستنكي هوه ويشتري همي
تاجر حزن انا وبعت نوح هواي وعندي البجي معميل اعرفنه
كلساعه يمرنه ونحجي وانا وياه ونتاجر سوه بل سوك عل ونه
شخلصه الوكت شيخلص الايام شيخلصه العمر ونهاجر الغربه
حلم موتي اموت واندفن ورتاح بعراقي الجميل الماخلص صبره
دمع عين خلص من كثر نوحي عليك ياروحي دكافي البجي بس غيره
شعر راسي تشيب انا مدري شلون وعمري 17 وكضيها بل هجره
احس الغربه موت وحزن كلبي تراب ودمع عيني الج بغداد متحصره
انا بحزني وعذابي وصحيت الاها منهو العواضني الدمع والمجره
وياهو العوضج بغداد يم الخير شو كلج دماء وروحج مطبره
الهي ادعيك اضل الدوم هذا الشعب بيدك وانته الصبره




كلمات الشاعر والملحن حيدر فلاح الحميداوي

احسنتي احلام الغاليه قصيده رائعه واختيار مميز ويشكر الشاعر فلاح المبدع

جميل جدا ما سطرته يدك بامر من عقلك بامر من قلبك الذي حمل المشاعر
فكانت النتيجة روعة من الروائع سطرت بايدي طيبة
تحياتي لك ولكل ما تضعيه من جميل
دمت بوافر الخير
ولا حرمنا من طيب تواجدكم الرائع

سلمت اناملك عزيزتي احلام..

اختيار موفق ونقل رائع
دمت بود
كنت هنا
ام علاوي

اسعدني مروركم وتواصلكم الدائم ربي يوفقكم جميعا
وتحياتي لكم