عرض للطباعة
اسم الله على طولك خايف من الريح
اذامسك هوه جن مسني كل الشر
واذا نكطة مطر طاحت عليك بيوم
احس نار بدليلي عليك تتوجر
لان طولك نبع ماجنه مثل الناس
يالجنك غصن ريحان من يفتر
طولك شرد اوصفه وشرد اكولن بيك
اذا كتلك بشر والله جن اكفر
اذا كتلك بشر يعني النقص موجود
وانته اول بشر عن النقص ابتر
اتمنى ان تروقكم
اخوكم الجديد
وائل الاسدي
لا طولك حضارة وخصرك التاريخ
أموت من العطش كَدامك أستشهد
شلون تريد أوصفك
وانت حتى الوصف من شخصك أتردد
يبو أيد ثلج لاتطلع بتموز
مو خوف الثلج خاف الخلكَ تبرد
لذلك ما وصفتك وأعتذر ياهواي
وصفت الخيال المنك أتورد
ما تكَلي هذا البياض الجايبة منين
معقولة العظم فوكَ الجلد يصعد
أحلى قصيدة أخوية وائل
جميلة ورائعة وارجوا ان تقبل مناظرتي الشعرية
ويا ريت لو تتفضل الى قسم الترحيب
لكي نقوم بواجب أستقبال شخصكم الكريم
تحياتي
عراقي أصيل
مشكوري اخوية العزيز وائل على القصيده الرائعة
وتحياتي لك واتمنالك المزيد
ومثل مكال اخوية عراقي اتفضل في قسم الترفيه
تحياتي لك
الشاعر الموهوب والمبدع المرحوم وائل الاسدي الذي وافاه الاجل في سنة 2007 اثر حادث مؤسف فانا لله وانا اليه راجعون