اشكثر خله الزمان ابگلبي لچمات (للمتغربين)

اشكثر خله الزمان ابگلبي لچمات

او مشه ابروحي الحزن واللايمه اتلوم
الگلب چالی وخلص یاناس هدمات
وصفت روحي خرابه امعاشره البوم
الوكت قاسي ويدور وياي زلات
وابعز الظهر راواني النجوم
افز من صفنتي وتاخذني صفنات
نحل جسمي وعجز عن شيل الهدوم
گمت اكره حياتي واحسد المات
شله ابطولة حياته الگلبه مالوم
احن البيتنه واذكر زماني الفات
حنين الفارگ اهله وشوگ مفطوم
عفاني اشگد شفت بايامي صدمات
ثوب الحزن ضل وياي للدوم
اتعجب لبعض الناس مرات
ترهم ويه ياهو الچان واتروم
عگب ربعي وحضن بغداد سهرات
صرت من خبزة التنور محروم
گبل لما اتهب من دجله نسمات
ايفز ابروحي رف اطيور وايحوم
هسه الليل يگضي ابطرگ دمعات
او هوى الغربه ايمر ابريتي اسموم
ايضل ليل السهر وي وحشتي ايبات
ابسگم وجفون عيني امحاربه النوم
تمنيتك تجي وتطوي المسافات
اتطيب خاطري واتزيل الهموم
بعدني امسايسك رغم العذابات
سرك بالگلب لليوم مكتوم
طبع درويش بيه وخلگ نحات
ابهداوة بال اصبر على المقسوم
ايمر اسمك غفل باحساسي نغمات

مثل صوت الاذان اليكسر الصوم





للشاعر سامي عبد المنعم

گبل لما اتهب من دجله نسمات
ايفز ابروحي رف اطيور وايحوم
هسه الليل يگضي ابطرگ دمعات
او هوى الغربه ايمر ابريتي اسموم


الله الله عليج يااحلام
الغربة -- وماادراك مالغربة
اشعلتي الشجون - وادمعتي العيون بروعة هه القصيدة

اللهم رد كل غريب الى وطنه سالما غانما

لاحرمناك غاليتي

اشكركِ اختي لنقل هل قصيده الرائعه
ايمر اسمك غفل باحساسي نغمات

مثل صوت الاذان اليكسر الصوم

تقبلي تحياتي

تمنيتك تجي وتطوي المسافات
اتطيب خاطري واتزيل الهموم
بعدني امسايسك رغم العذابات
سرك بالگلب لليوم مكتوم

رائعه بمعنى الكلمه من معاني
سلمت الانامل على الانتقاء الرائع
وعلى الابداع المستمر
مع ارق التحايا
واطيب الامنيات

الله احلام قصيده رائعه بمعى الكلمه دام لنا نبض قلمك الراقي وشكرا لكي بارك الله بيج

اسعدني مروركم الرائع شرفتوني ونورتوالموضوع ربي يحفظكم جميعاااا
تحياتي لكم