سابع بيت ....عريان السيد خلف ..

تحيه طيبه
لكم احبتي الاعزاء

قصيده اعجبتني بشده

عنوانها

سابع بيت ....للشاعر عريان السيد خلف



--------------------------------------------------------------------------------

سابع بيت




لَمّيت المحابس ولضَمتها ابخيط عمري

وردت تدري ، وحيف ما حَسّيت

جَمّعت السوالف ، ولو خدّ او عين

جوّتني وحشتي ، وعالوهم ناديت :

ولك كَلبي توازه

وها كثر حَبّيت .




نزع جفّه اعله جَفّي

وعافني اويه الناس

مَطفي من الحزن ، حدّ زحمة الوهواس

ردت احجي

انطفه بطارف شفافي الصوت

كَتلك : هاك كَلبي . إلكَيت ظلك ناس

يا كَلبي الجدب

فاركَك طيب الطيب

وتعدّه العمر , وانكَطع نفس الياس

أوّحدك ذبل ليلك بالثلج والكاس

وحدك تنطفي

ويصعد عذابك زيت

وتخَّر عَتابه من الجدم للراس

وحدك

خيط شمعه

ولاحها النسيان

تتفتّت . رماد اوهام ، من تنجاس

تصعب

تنكسر . جف الصبر ميشوم طبعه

ولو لِنت . يالما لِنت . تنداس

وحدك . بيد وحدك

والوكت داسين

ليل يعكَب ليل

وداس ياكل داس .




يا ناكَوط عمري ، ابيا هفه اتبدّيت ؟

يا كَلبي اعله هاي اشجاك ، وتوازيت ؟

شفتك عالبعد

وأوميتلك ملهوف

بجه لحالي الجرف ، من شافك توانيت

ذبّيت الحبل واستانست بالتيّه

نزع روحي الفرح ، ومن الفرح غنيت :

ولك كَلبي توازه

وها كثر حبّيت

فضحتني دمعتي

ولاخَذت وطّيت

يل كَلبكَ طفل

وك بس إلك حَنّيت

ونشدوني : تحبه ؟

وجذب كَلت : انسيت

لا شهكَة هلا ، ولا جرس يضوي الروح

لملمت العمر

وبكَلبي صفنة ميت

كَالوا : خاف تنسى وياخذك دولاب

سديت الكَلب

واشمرت مفتاحه اعله سابع بيت .

تقبلوا تحياتي

شهادة تقدير اخرى مني لك اخي العزيز حيدر
لنقل هذه اللوحة التي رسمت بالكلمات الجميلة والمعبرة
لشاعرنا واستاذنا الكبير (عريان السيد خلف
بوركت اخي العزيز
تقبل مروري المتواضع

شكرا لك اخي العزيز لقصيده الشاعر الكبير عريان السيد خلف وبارك الله بيك

اي رد الارده يعبر عن شكري كل الردود تقف حائره امام حيدر القريشي لتعبر عن جزيل شكري له على هذه الابيات

اي رد الارده يعبر عن شكري كل الردود تقف حائره امام حيدر القريشي لتعبر عن جزيل شكري له على هذه الابيات

اقتباس:

---

المشاركة الأصلية كتبت بواسطة امير الاحزان:

شهادة تقدير اخرى مني لك اخي العزيز حيدر
لنقل هذه اللوحة التي رسمت بالكلمات الجميلة والمعبرة
لشاعرنا واستاذنا الكبير (عريان السيد خلف
بوركت اخي العزيز
تقبل مروري المتواضع

---

شرفني مرورك الرائع اخي العزيز
امير الاحزان
حضوركم هو شهادتي التقديريه
وكلماتكم الرائعه وسام شرف اعلقه على صدري
لا حرمت من اطلالتكم البهيه
ومن عبير كلماتكم الدافئه
لك مني ارق التحايا
واطيب الامنيات

اقتباس:

---

المشاركة الأصلية كتبت بواسطة سلام الدراجي

شكرا لك اخي العزيز لقصيده الشاعر الكبير عريان السيد خلف وبارك الله بيك

---

عفوا خي العزيز
شكرا على مرورك
وتقبل تحياتي

اقتباس:

---

المشاركة الأصلية كتبت بواسطة ملك الرومانسيه

اي رد الارده يعبر عن شكري كل الردود تقف حائره امام حيدر القريشي لتعبر عن جزيل شكري له على هذه الابيات

---

مرورك يكفي اخي الكريم
ملك الرومانسيه
فهو يعبر عن كل شيء
لا حرمت من حضورك المميز
ولا حرمت من كلماتك الرائعه
لك مني ارق التحايا
واطيب الامنيات