شوفو الفرق بين الطالب الامريكي والطالب العراقي

<HR style="COLOR: #e3e6e8" SIZE=1> <!-- / icon and title --><!-- message -->

الطالب الامريكي
***********
من الصبح تدك الساعة الرقمية الموجودة في غرفة الشاب الامريكي ليستيقض مبكراً ويتوجه الى الحمام ليغسل وجهه ثم يفرّچ سنونه ويتوجه الى المطبخ ويضع قطعتي التوست المحمص فى ال(هاي المكينة اللي تحمي خبز ما ادري شسمهه ؟؟؟) المهم يذهب الى الحديقه الامامية لينتظر الباص الاصفر مال مدرسة (باي ماما و بابا : طالب الامريكي ) يذهب الى المدرسة ليتوجه الى صف الطبيعيات (عبالك روضة) يتناقش وية المدرس ويخلص يروح لدرس التغذية وصديقته الحاتة الشكرة تصيحله حتى يكعد يمها (المعلمة مالتهم خنفشارية تخبللل) غير خلص الدوام ييرجع بالباص للبيت يرتاح وبعدين يشغل الكاديلاك مالته ويطلع يفتر


الطالب العراقي
**********
يستيقظ على صوت الوالد الحنين(اكعد ولك الساعه 6:00) يذهب الى الحمام يجد الماء مجرش يتوجه الى السيارة ان وجدت (عبالكم يصعد بيهه ويروح للمدرسة ........لا) يسحب بانزين حتى يشغل المولد يشبع بانزين تنسد نفسه وميتريّگ اذا رح يوفر فلوس الريوگ عالاهل (ميشتهي ريّوگ غير؟) لعد شكو يجيب صمون وگيمر عرب ؟؟؟؟ ج/ حتى احسن: الطالب العراقي) يذهب الى المدرسه حاملاً التچّه اللي لاف بيهه الكتب يدخل الى اول درس الاستاذ (خلصان) عنده بس اربع سنون (اللي ممحظر يطلعلي هنا) ودائماً تصدف انه الطالب العراقي ممحظر (ينعلس) ثم تأتي الفرصه (يتعارك مع احد زملائه) يأتي الدرس الثاني مدرس الفيزياء الحلقه الاخيرة (كوم بابا مو كتلك جيب ولي امرك ..متحظر عندي اليوم ) ( ما احظر وشنو يعني صاير درس رياضة مو فيزية هوة) خلص الدوام ( هو مخلص بعده الدرس الرابع بس الطالب العراقي طفر من الحايط ) مابيهه شي يرجع للبيت يلكه امه حارگه التمن وتنطيه خمسميه يروح يجيب معجون توسان وبالصدفه الوالده مشغله الثلاجه عالمولد وگايم المحرك مال مولد (بهدووم المدرسه يكعد يفصخ ) وراهه يضرب هندر گول اشتغلت المولدة (اجه بابا) كالعادة يبوك السويج ويطلع يفتر ونادراً ما تحدث نلكه سيطره بالشارع وگفوه ( السياره بسمك ) (اي أو لا المهم ياخذ الفين))))



تحياتي

هههههههههههههههههه
فرق جميل رغم الماءاسي http://www.alforat.org/images/smilie.../66%20(75).gif التي يتحملها الطالب العراقي
مشكور سيف

هههههههههههههههههههههههههههههه
مشكور سيوفي الورد
ونتمنالك المزيد
تحياتي لك

ههههههههههههههههههه وردة سيوفي اتحفتي بالمواضيع الجميلة وتستاهل عليها دبة بانزين

مشكور حبي

موضوع مضحك
رغم المراره اللى فيه
مشكور على الموضوع
دمت بخير ودامت العراق بخير
وترجع لسابق العهد من الاستقرار
اللهم امين يا رب العالمين