ساكت ياسبط كلي علامــــك
انشدك واني ماعندي علامك
وين الكمر والشايل علامــك
وعلامك ماترد جواب اليـــة
*****
يزينب لا تسأليني علامــــــــي
طاح حزامي والشايل علامــــي
حزنت عليه مثل حزني علامي
وبكيت باه بس تسعر عليـــــــة
****************
حاجيني خوية حسين حاجيني ...... ويــــــن الكمر عباس دليني
كلبي لشاطي العلكمي يجرني ....... يبن امي عن عباس خبرني
وين الكمر عباس دليني
يا فخر هاشم وعزها ارد انشدك عن جفيلــي
من قبل ماراد يطلع كلي يازينب احجيلــــــي
كتلة ماي اتريد اختك والعطش فتت دليلــــي
كلي يازينب دخيلج ...هذا يختي الفت دليلج .... وانة اخوج وهم كفيلج ....احجي يختي بزود حيلي
رويني خوية الماي رويني ..... ... ونار العطش بحشاي تجويني
راح الكمر للماي ويجيبة ...... يا خوية راح وطالت الغيبة
وين الكمر عباس دليني
ياعطر زهـــــرة محمد ارد اسالك عالتجية
كًلي وين الكمر غايب وين ابن حامي الحمية
راح للحومة جفيلي وما رجع يا خوية ليـــة
جاوين سبع الكنطرة .....والنار بية موجرة.....ياخوية مدكلي اشجرة
وطول اغيابة علية
جاوبني خوية حسين جاوبني ........وخبرني عن عباس وارحمني
جاوبني خوية وسكن الحسرة ....... اختك واريد اطفــي هالجمرة
وين الكمر عباس دليني
كًلهة يختي يالعقيلة عظم الروحج اجـــــــــــرها
يختي فــوك النهر طايح صاحب الغيرة وفكرها
جيت اوصلج امانة ...منة يختــــــــي وكًلي كًلــها...... كلي ختوسع صبرها
ذاك الكمر عالمشرعة .. وجفوفة يختي مكطعة ..ويكلج يحرة مودعة ..كًلي خالتصبر لمرها
خوية يزينب كال عذريني ...... بترو جفوفي وطافية عيني
كتلة يخوية حسين حاجيني ..... ويم الكمر عباس ودينــــي
وين الكمر عباس دليني
كًلبي يحسين اونينة للنهر بالهم يجرنــــــي
يريد ياخذني الجفيلي وهذا يحسين اليسرنـي
ارد اشمنة وحشمة وبين ذرعانة يضمنــــي
يا خوية وٌصل للنهر...ورتمي بحظان الكًمر...ياريت يكتبلي القدر...وشملي يلتم بالهجرني
وديني خوية حسين وديني .... خليني اشوفة أدموعي البعيني
خليني اذكرة الكًمر بوعودة ..... خلي يرد اجفوفة لزنودة
وين الكمر عباس دليني
حاجيني خوية حسين حاجيني ...... ويــــــن الكمر عباس دليني
كلبي لشاطي العلكمي يجرني ....... يبن امي عن عباس خبرني
وين الكمر عباس دليني
الحرة صاحت ياكمر عدنان هلت دمعتــــــي
وينك يشيال العلم اندب يخوية بونتـــــــــــــــي
ضل غريب حسين وحدة وانة اودعة الغربتي
انهض يبن حامي الحمة
وحسين طاح من الضمة **** انهض يبن حامي الحمة
والزهرة تنحب فاطمة **** انهض يبن حامــــي الحمة
ومن هضمها الحرة طاحت تشجي بالدمعة حزنها
خادم اهل البيت عليهم السلام
foraten.net/?foraten.net/?foraten.net/?foraten.net/? رفيش
