الله الله يا حيدر انة الحرة ......... وبعينك شوف يا بـــوية الكلب جمرة
وانة جروحي البروحي شيداويها ........ واريدن ناري ياحيدر تطفيها
وبعينك شوف يا بوية الكلب جمرة
يا حامـــــي الحمة يا حيدر الكرار
اجيتك يا علي وهمومي تسعر نار
اجيت اشكي يبوية بالجرة والصار
اجيتك انت اسمع منـــي هالأخبار
عفت عباس وي حسين بالميدان ........ يبوية بس جثث ضلت على التربان
الله الله من ناموا على الغبرة ........ وبعينك شوف يا بـــــوية الكلب جمرة
كمر عدنان طاح جفوفة مكًطـــوعة
وكتب عالكاع خوية حسين بدموعة
وأبــــو السجاد طاح وزادت اللوعة
وحوافر خيل امية هشمت اضلوعة
وابو السجاد ناح اعلى كمر عدنان ........ وتولوه العدا ياعلــــــي بالميدان
الله الله على كلبة اشكثر صبرة ........ وبعينك شوف يا بوية الكلب جمرة
وأبــــــــو السجاد يابوية بدمع يجري
حين الصاح يا خــوية انكسر ظهري
عكب عينك يبو فاضل خلص عمري
وانة ابلياك لا والـــــــي وحمة تدري
وحين الطاح صاح بصوت يا جدي ........ هذولة اعداك ذبحوني بضمة جبدي
الله الله حزوا للسبط نحرة ........ وبعينك شوف يابـــــــــــــــوية الكلب جمرة
وأنة الجيتك يحيدر من سبي العـــدوان
وذبحت عيوني بدموعي علـى الخوان
نار وهاجت الأمــــــــي بجمر واحزان
عجيبة ما سكت كلبي علـــــــى الوليان
وانة عيوني دمع صبن يحيدر دم ........ وانة جروحي يبوية مابعد تلتم
الله الله ياحيدر على الزهرة........ وبعينك شوف يا بــوية الكلب جمرة
اجيتك يا علي كصدي تواسينـــي
حملت هموم يا حيدر تجــــــويني
واريدك يا علي من ناري تطفيني
وتمسح بيدك انت دمعي البعينــي
يحيدر جيت الك اكصد أنة بروحي ........ وتدواي بيدك الطيبة على جروحي
الله الله يا حيدر على العترة........ وبعينك شوف يا بــــــــــــوية الكلب جمرة
الله الله يا حيدر انة الحرة ........ وبعينك شوف يا بـــــــــــــوية الكلب جمرة
وانة جروحــــــــي البروحي شيداويها ........ واريدن ناري ياحيدر تطفيها
وبعينك شوف يا بوية الكلب جمرة
خادم اهل البيت ع
احمـــــــــــد رفيش
صورة الشاعر
