شلون انساك
تريد انساك شلون انساك
وانه بدونك حتى الدرب مااشوفه
انه لجلك صرتلك بحر وجروف
وجذب البحر لحظه نسه اجروفه
ويالوجهك كسوف الشمس والله
والمايعرفك مايصلح ايشوفه
طيف انته وتمر عله الحلمان
وكل واحد يحبك ينطر اطيوفه
يالمني انته وعايش وسط هالروح
ويضل حبك بالكلب للموت ماعوفه
ادري اليحب يصبح مثل مجنون
مجنونك صرت هاي معروفه
ضيف ارد امرلك حتلو بالطيف
وشوف شلون كلبك يستقبل ضيوفه
عطشان على حبك ونته كلك كاس
ومن اشرب بكاسك شتضن اعوفه
تعال ارد اضمك بين الاحظان
الكلب عنك سئل رايد تشوفه
وتعال ادخل مو انته بيه الروح
بس جسد باقي انته مشوفه
فاضحني حبك من نضرات العيون
شمس بحبك صرت عالناس مكشوفه
عيونك درع وفوكاهه زوج سيوف
من تبعد بشرياني اتكطع سيوفه
موبس احبك اني ميت بيك
اموت واحيى بلمست جفوفه
اموت واحيى بلمست جفوفه
بقلم الشاااااعركرار المعذب
