شوفو الجنس اللطيف شيسوي قصة انفلاقيه وربي

جبتلكم اليوم سالوفه صارت باحد التماسيح الاعداء ااااا قصدي الاعزاء
تثبت شكد التمسوحين يتقشمرون بكلمه وكلمتين
من سحليه عسوله
بس بصراحه طلعه السحليه بهاي السالفه كللللش مو طبيعيه وكلش عجبتني
ناس تفكر هي كوه:66 (72):

يلا اجتكم السالوفايه

كااااااااااااااان ياماكااااان في قديم الزماااااااااان

^^^^^^^^^^^^^^^^^^^^^^^^^^^^^^^^^^^^^^^^^^^^^^^
^^^^^^^^^^^^^^^^^^^^^^^^^^^^^^^^^^^^^^^^^^^^^^^
*******************************
يابة يكولكم فد يوم صار حادث بين سيارتين , سيارة يسوقها شاب و الثانية دتسوقها بنية




الحادث جان كلش قوي , بحيث السيارتين صارن خردة , يعني كبل للتفصيخ لبيت فنجان (اكيد تعرفوهم)

المهم بالموضوع انه البنية و الولد طلعوا سلامات من الحادث لا مشخوطين لا مفعوصين

بس شوية لونهم صاير اصفر من الخرعة .. الشاب نزل من سيارته ديريد يتعارك طبعا وديدور عالتوثية حتى يهطر ابو السيارة الثانية لان ما جان يدري بيها بنية

باوع عالسيارة الثانية شاف بيها بنية تخبل
, عاف التوثية وكعد يدور على شيشة الريحة الليزر الي صارلها 8 سنين بالحر والشمس بحيث لونها صاير بنفسجي

حطله بخه واشتغلت اللواكة مال الولد وراح ركض عالبنية ..

هااااااااااااا يمعودة سلامات سلامات خو مابيج شي , اهم شي التسريحة مالتج بس لا خربت

البنية كلتله لا سلامات ماكو شي وانت هم الحمد لله على سلامتك خو ما تاذيت

كللها لا ماكو شي بس السيارة راحت فدوة لقندرتج الحلوة , منين ماخذتها بس لا من البالات مال الكاظم

كلتله والله صحيح انت مبين عليك ابن عوائل , وشكرا على نزلتك من سيارتك بهالسرعة واهتمامك بية و بتسرحيتي وقندرتي

واني شكد ما مقهورة عالسيارة وراح اطك قهر و حسرة , بس فرحانة لان حسيت الدنيا بعدها بخير من شفتك و شفت رجولتك و شهامتك وشلون ركضتلي

هذا الولد هم سمع بيها هيج حجي حلو و صبغ من الزين ..sh. ارتفعت معنوياته

كللها والله اني لو ادري بروحي راح التقي بيج جان دعمت السيارة من زمان , يعني صدك رُب شسمةٍ خير من الف شيسموها

واني امي داعيتلي بصلاة الاستسقاء اكيد , لان صارت هيج فرصة حلوة واتعرفت على بنية مثلج

كلتله اي والله اني هم فرحانة بهالصدفة , واتمنى اتعرف عليك اكثر

واشتغلت السوالف و الضحك وانت شدارس و انتي شمخلصة و وين بيتكم

المهم الشاب حبها للبنية ولزكلها , واضلوا يسولفون

البنية كلتله اكولك باوع , خلي ننسى سالفة السيارات الي اتكسرت

اكو بطل ويسكي بسيارتي مال اخوية ناسيه , جيبه خلي نشرب بلكي ننسى القهر و تروح الفزة

هذا الولد سمع بيها شرب و ويسكي كال ايباااااااااااااااااااااااه لو هيج البخت لو مايصير

كللها تدللين .. راح ركض عالسيارة مال البنية ونغبش نغبش الى لكاه للبطل , طلعه ورجع يركض عالبنية كللها لكييييييييييته

البنية كلتله دفتح البطل واشرب انت وبقيلي شوية مو تهفه كله

كللها تدللين ,

جان يفتح البطل و كام يشرب ويسولف , وهية تسولف

وضحك و كيف

والافندي يززززق مو يمه السالفة , الى ان بقة شوية بالبطل

كللها العفو ترة اني اخذني الواهس وهفيت البطل كله , دهاج اشربي شوية

كلتله تريدني اشرب ؟؟

ليش اني قشمر مثلك ؟؟

عيوني هسة يجون المرور و جماعة التحقيق المروري , ويشوفوك سكران ونافض تلترباع البطل , ويصير المخطط عليك حبيبي

وحضر نفسك تصلحلي غصباً على شيب الي خلفك ... يا قشششششششششششششششششششششششششمر

:2:تحياااااااااااااااااااااتي:2:
م
ن
ق
و
ل

ههههههه همزين أنطيتينة نصيحة حتى بعد أي بنية تندعم تسوي هيج ولتنسون البطل أهم شئ بعد أي وحدة تطلع بالسيارة تاخذ وياها بطل ههههه شكرا ام علاوي دمتي ودام قلمج المبدع

هههههههههههههههههههههههه
شكرا للسحليه "العفو ام علاوي"
على هذا الموضوع الذي يحمل العديد من العبر
وتريدين الصدك "هو اليشرب ما عليه عتب "
يعني كلمه قشمر قليله بحقه
تحياتي للاخت العزيزة ام علي
مع اطيب الامنيات

ههههههههههههههههههههههههههههههه

كيدهن عظيييييييييم

مشكورة عزيزتي
خوش نصيحة لأن البنات ناقصات نصااايح ههههههههههههههههه

تحياتي لك

تحياتي لهذا الموضوع الروعة
عاد هاي مو جديدة عليكن يالبنات
ههههههههههههه
والله يابه اتخوفن

ههههههههههههههههههههههههه العين بالعين والسن بالسن نياااااااااااااااااااااااااا

لعد شعبالكم عمي السحالي يشتغلن هي كوه؟

تسلملي ضحكاتكم يارب دوم هالضحكه متفارك وجوهكم
تحياااااااااااااااااتي وقوافل من الورورد افرشها كدامكم
ام السحالي ااااااااااااااااااااقصد ام علاوي

هههههه
والله سالوفة قوية جداً
وان كيدكن لعظيم ..!!
عمي اني اعترف انتن مصيبة ههههه
عاشت ايدك ام علاوي الوردة

تسلملي هالطله اخويه
الله ليحرمني منك ولا من ردودك
تحياتي للحر
ام علاوي