قصيده بحق الامام موسى الكاظم عليه السلام
قصيده بحق الامام موسى الكاظم عليه السلام للشاعر عبد الهادي العريفاوي
وصية موسى بن جعفر باجر عالجسر نحضر
كلوب الشيعه ملهوفه يطلع يمته ونشوفه
باجر عالجسر نحضر
عجيبه على النفوس النكرت القران لا ذرة ضمير ولا اثر وجدان
صارو بالنتيجه بأمرة الشيطان كالو عالرسول بلا وعي ووجعان
خلف للزمن لجمه جم كاتب ذكر اسمه
كال المصطفى يهجر
من صنعت سقيفه الزمره هالقذره وكتبوهه البنود التنكر العتره
اول فاجعه الصارت على الزهره وضلعهه بذمة المجرم كصد كسره
حقا يشهد البسمار يحجي الحادث اللي صار
جدام الخلك يضهر
اريد احجي ويه ناس التدعي الاسلام عقلهه شلون يتقبل تعيش اوهام
ويستنكر حجينه نكول يا ضلام ويعارض حجينه بصحة الاقلام
حجيك واضح بعينه عدو المصطفى ودينه
وانته البلحشر تخسر
يا موقف تنكره وتنكر علومه عدنه اكبر دليل كبور مهدومه
واهل البيت قتلى ومنهه مسمومه هاي الكم جرايم كلهه مختومه
انشطرت امة الهادي كل واحد صفه بوادي
اترك هالدرب واحذر
اذا تشهد محمد سيد الكونين تكول بأمره نمشي واحنه ملتزمين
جاشنهو الاجاكم صرتو ضد حسين وحاربتو الولايه وهيه اصل الدين
ذبحتو حسين واطفاله وسبايه راحت عياله
عجيبه شــــــــــــلون من منضر
نشدنه على الامام السابع وامره مضلوم بسجن بغداد والبصره
مر جم عام واحنه بلهفه ننتضره وهارون الينكره وما عرف كدره
هذا ابن النبي المختار هذا ابن الوصي الكرار
منــــــــــه شلــــــــــــــون تتعذر
منهو اللي يعرف الكاظم ووضعه لابد للقضيه نهيأ الفزعه
اجه المبعوث بشرنه ويهل دمعه كال أعله الجسر احضر ضحى الجمعه
علومك تطلب بشاره عيون الشيعه تتجاره
تكوم وخطوه تتعثر
وصلنه على الوعد من كال هذا اليوم لن صادق كلامه وهالوعد مختوم
لاجن يا حسافه على الجبد مسموم وكفنه بحسره وبونه وكلب ملجوم
بحديد مكيد ومطروح بيده من الحديد جروح
كلوب الشيعه تتفطر
جابوله الطبيب تفحص الحاله نصراني وعليه اختلفت احواله
كال السم غزير وصار جتاله وين اهله واخوته وجمعة عياله
غريب ولا اهل عنده عايش بالضلم وحده
يشيعه لدفنه نتحضر
بني العباس كفرت بالنبي ودينه وحكمهم كافر بكل محتوى سنينه
واللعنه بصددهم واجبه علينه تبليغ الرسول بكل مضامينه
عليكم واجبه يا ناس باللعنه لبني العباس
ضلمهم للصخر فسر
رد: قصيده بحق الامام موسى الكاظم عليه السلام
اللهم صلي على محمد
وعلى اله الطيبين الطاهرين
السلام عليك يا سيدي ويا مولاي
السلام عليك يا غريب السجون
بوركت اخي هاشم على هذه القصيده
وعطر الله انفاسك
تقبل تحياتي
وتنقل للقسم المناسب
رد: قصيده بحق الامام موسى الكاظم عليه السلام
السلام عليكم ورحمة الله وبركاته
اشكرك اخي هاشم لنقل هذه القصيده الرائعه
وحشرنا الله واياكم مع محمد وال محمد
ومن زوار راهب بني هاشم (ع)
وجزا الله كاتبها خير جزاء المحسنين
رد: قصيده بحق الامام موسى الكاظم عليه السلام
اللهم صلي على محمد وآل محمد
عطر الله انفاسك عزيزي هاشم
وعظم الله لكم الأجر باستشهاد اسير السجون والمطامير الإمام المظلوم موسى بن جعفر عليه السلام
جزاك الله خيرا على هذه القصيدة المباركة
والف شكر لك عزيزي
رد: قصيده بحق الامام موسى الكاظم عليه السلام
السلام على صاحب الجنازة المنادى عليها بذل الاستخفاف
السلام عليك يا مولاي يا موسى بن جعفر
بارك الله بكاتب القصيدة وناقلها..
لك تحياتي اخي هاشم
رد: قصيده بحق الامام موسى الكاظم عليه السلام
اذا تشهد محمد سيد الكونين تكول بأمره نمشي واحنه ملتزمين
جاشنهو الاجاكم صرتو ضد حسين وحاربتو الولايه وهيه اصل الدين
ذبحتو حسين واطفاله وسبايه راحت عياله
عجيبه شــــــــــــلون من منضر
موفقيين يارب
رد: قصيده بحق الامام موسى الكاظم عليه السلام
اقتباس:
المشاركة الأصلية كتبت بواسطة حيدر القريشي
اللهم صلي على محمد
وعلى اله الطيبين الطاهرين
السلام عليك يا سيدي ويا مولاي
السلام عليك يا غريب السجون
بوركت اخي هاشم على هذه القصيده
وعطر الله انفاسك
تقبل تحياتي
وتنقل للقسم المناسب
بارك الله بك عزيزي
وعظم الله اجورنا واجوركم
تحياتي
رد: قصيده بحق الامام موسى الكاظم عليه السلام
اقتباس:
المشاركة الأصلية كتبت بواسطة ستار العزاوي
السلام عليكم ورحمة الله وبركاته
اشكرك اخي هاشم لنقل هذه القصيده الرائعه
وحشرنا الله واياكم مع محمد وال محمد
ومن زوار راهب بني هاشم (ع)
وجزا الله كاتبها خير جزاء المحسنين
منور حبيبي
بالمرور والرد
عظم الله اجورنا واجوركم
وأنالنا شفعة امامنا موسى بن جعفر
عليه السلام
يوم الورود
مودتي
