السلام عليكم
هنا رسيت لاضع اول ماكتبته يداي الصغيرتان واتمنى ان تنال اعجابكم لاني بصراحه ماخلصتها واي اعتراض على القصه اتمنى انكم تخبروني به
والحين بنزل ثلاث بارتات واذا شفت الحماس انزل الباقين على دفعات
اخليكم مع البارتات الاولى
الجزء الأول
الوقت:الساعه السابعه صباحا من يوم الاربعاء
اليوم:يوم أستلام نتايج الأمتحانات الثانويه
المكان:المدرسه الثانويه
مثل كل طالبه بتتخرج من الثانويه ماجاني نوم وانتظرت الصباح لين يطلع ليعلن عن بدا يوم الأربعاء اليوم الحاسم بالنسبه لي ولصديقاتي ولكل الطلاب في هذه المرحله يوم النتايج وماقدرت انام من شدة الخوف إلين طلع الصباح وجت الساعه 7 الصباح قمت وصليت الفجر وقريت قرآن ودعيت ربي انه ينجحني ولبست مريولي كالعاده بسرعه بسرعه ونزلت ومن العجله مامداني افطر سلمت على أبوي وامي وقلتلهم يدعون لي بالنجاح وأمي بعد ماقصرت بالأدعيه المهم وصلت المدرسه وكنت مع صحباتي ننتظر النتيجه على احر من الجمر وكل وحده جالسه على اعصابها ولما طلعت لنا المدرسه وقالت النتايج وجى وقت أسمي إلا وهي تقول :شهد ناجحه وبمتياز.......% يااااااااااااااااي طرت من الفرحه وجلست أناقز مثل الخبلان وباركوا لي صحباتي والحمدلله كلنا نجحنا وبمتياز بعد وماصدقت رجعت البيت طرت عند امي وابوي ابشرهم بالنتيجه ولما درت أمي استانست وباركت لي ولماقلت لابوي فرح كثير لاني بنته ورفعت راسه عالي فوق وعدني بهدية نجاح حلوه مره
************************************************** *******************
الجزء الثاني
الساعه1 الظهر المكان غرفة شهد
شهد وهي ماسكه سماعه الجوال:الووو هلا بخويتي العنود باركي لي نجحت بامتياز
العنود:مبروك حبيبتي هانبي الحلاوه
شهد:افا عليك بس حلاوه لو تبين السوبر ماركت كله اجيبه لك شدعوه مايغلى على الغاليه
العنود: تسلمين ياعمري كلك ذوق عقبال شهادة الدكتوراه
شهد:انشاءالله المهم الحين لازم اقفل بدق على البدور وابشرها مسكينه الحين تلاقيها تحاتيني
العنود: طيب سلمي عليها بعد مع السلامه
شهد:يبلغ مع السلامه
شهد وهي تدور على الرقم في جوالها الين مادقت وكتب الجوال ((جاري الاتصال))
البدور:الوووووو وينك ياخبله ها بشري تراك مقعدتني على اعصابي من الصباح
شهد وهي تبعد الجوال:بلعب فيها شوي بس حرام بوقف دمها
البدور وهي تصارخ:الوووووو شهدوه ردي
شهد وهي مسوي نفسها زعلانه:الوووو البدور النتيجه النتيجه
البدور: خلصي مع وجهك
شهد :نجحت وبمتياز بعد
البدور:يلعن ابو بليسك ياانك وقفتي قلبي يابايخه معليه ارويك
شهد وهي تضحك:شفيك كنت امزح معك
البدور:مزحك الثقيل هذا ماابيه تفهمين
شهد:طيب لاتعصبين ياام خالد شفيك نمزح بس
البدور :لاعاد تعيدنها وها بشريني عن فرس(بنت عمهم وهي وشهد اكثر من خوات)
شهد:لاتخافين عليها مثل بنت عمها دافوره ماتنغلب صح صح قبل لاانسى تسلم عليك العنود
البدور:الله يسلمها من كل شر وباركي للفرس عني
شهد:ياااااااااااااااااي علبالكم ساعي سلامات وانا مدري
البدور وهي تضحك:يلا يلاااااااااا مافي قرقر كلام واجد هاااا سلمي وخلاص
شهد:زين زييييييييييييين مع السلامه
البدور : مع السلامه
وظلت شهد تدقدق من واحد لين واحد لين اتعبت ونامت لانها مانامت من التفكير في النتيجه وبعدين في هدية ابوها الحلوه مره لها ياترى وش تتوقعون تكون الهديه؟؟؟؟؟؟؟؟؟؟؟؟
*************************************************
الجزء الثالث
الساعه 6 مساء المكان :بيت ابو فارس
جت الساعه 6 وبدا المؤذن ياذن لصلاة المغرب ورنه الساعه بغرفة شهد
شهد وهي تعبانه:يااااااااربي ياني تعبانه شكلي بصلي المغرب وارجع انام لين العشاء وبعدين بصحى مع اني اعرف ان خواتي مرح يخلوني انام بس معليه احاول
وقامت وتروشت وصلت المغرب ورجعت نامت مره ثانيه ومامدى تغمض عينها الا واحد يدق الباب غرفتها
شهد وبملل:مييييييييييين؟؟؟؟؟؟؟؟؟!!!!!!!!
فارس(اخو شهد الكبير):أنا فارس انتي للحين نايمه اصحي نبي نبارك لك
شهد وهي تتنهد:ياخي ماعندك ذوووق نبي نام بعدين بارك لي على راحتك
فارس وهو يضحك:تبيني ابارك لك الساعه 1 بالليل اقول اصحي وتعوذي من الشيطان
شهد:اووووووف طيب بجي
فارس:يلا استناك بالصاله وان تاخرتي لاجي ومااخليك تتهنين بنومتك
شهد:اوووووف وش هالاخوان جتكم البلااااااااااوي
وبعدين فارس نزل الصاله وشهد قامت تغسل وجهها علشان بتنزل واكيد رح يكونون هناك خواتها العنود والبدور واخوها الصغير فراس
شهد وهي نازله شافت رجالين جلست تناظر بعدين عرفت منهوا هذولا
شهد وهي تصارخ:واااااااااو ماني مصدقه محمد وعلي ولاد عمي ياااااااااي ماني مصدقه عيوني
(علي ولد عم شهد اكبر منها بسنه ومحمد قدها هي وفرس ومعاهم ولد عم ثالث اسمه فهد كانوا مسافرين برى يكملون الثانويه والجامعه هناك بس شهد ماتعرف الامحمد وعلي وفهد ماتعرفه)
علي ومحمد وقفوا:هلا والله بخيشه النوم
شهد:هلا وغلا الحمدلله على سلامه شخباركم وحشتوني مره
علي ومحمد:الله يسلمك وانتي بعد وحشتينا مره
شهد وهي تمزح:ها شخبار الشقر
علي ومحمد وهم يضحكون:ولله يسلمون عليك
شهد وهي طالع اخوها فارس:وليش ماقلت لي انهم هنا كان قمت بسرعه
فارس:كنت بشوف بتقومين علشاني ولا علشانهم
وبعدين جلسوا يسولفون لين ماستئذنوا محمد وعلي انهم يرجعون بيوتهم علشان هم تعبانين
شهد وهي زعلانه:اجلسوا عندنا الليله لاتروحون
محمد وعلي وهم يضحكون:بالأحلام
علي:ايش تبيهم يقولون من اول ليله مثقلين علينا
محمد:هيه بعدين عندنا بيوت علبالك مطرودين
شهد:زين بس لازم تجون تبيتون عندنا ليله
علي :انشاءالله
محمد وعلي:يلا مع السلامه
شهد وفارس:مع السلامه
************************************************** *************
وش رح يصير لشهد من بعد ماتشوف ولاد عمها؟؟
هل بيتغير شي في حياتها؟؟
وش رح تكون هديتها من ابوها؟؟؟
اتمنى اني اشوف ردوكم وتفاعلكم
