احبنه واجذب مــن اكــــول أنســـــــاه
سعفه بريح صدك من يمر طـــــــــرواه
احبنه بكثر مــــــامر علي الضيـــــــــم
واكولن يــــــاترف وينك واريد الكـــــــاه
أسولفله أعله همي وعالجره ويــــاي
ويسولفلي اعله بعدي هم كصه وياه
واحجيله اعله هجره شلون شبت نار
وجوياته بدليــــــلي وانه اكول اشـــاه
احبنه بكثر مـــاسطرت اشـــــــــــعار
ومن صفكة ضلوعي من اصير احذاه
احبنه نخل يركص على الصـــــوبين
ومثل دجله يتغنه بهدوته ومجــــراه
احبنه وعقل مــــــامش بعد ياناس
وابعد عن هــــواه ومعتقد اســــلاه
هو الروح صاير ســـاعة التوديـــــع
وهو الكـــــــون كله وضيعت معناه
وهو مخافك الجيــــــــلات من تثور
وهاليلعب بفكري ولعبه يامحــــلاه
رسم لوحه لغرامي والجنون فنون
وسواني قصيــــــده وبالشعر علاه
اموتن لولعب شعره ويذاري الريح
واذوبن بالعجل والهين من الكــاه
لو سلم افز وتمشي مني الروح
ومايسمع سلامي بس ونين واه
حتى من يعاتب جنه يقره اشعار
واني اصفك بديه وكلي اكول الله
تحياااااااااااااتي منقوووووووول
