النزاهــــــــــــــــــــــــــة
النــــــــــــــزاهه
سنين محبوسة الوضايف والخلك تركض وراهه
ما كو تعيين اعله رسله ولا شهادة يشع ضواهه
كبل هذا الكان ماشي وكلنه عالدنيا امداهه
خوية هذا لسان حالي لصاحبي حجيته بفكاهه
دخنت شفت الشوارب وعينه ما ادري شعماهه
وكال استنسخ جناسي والصور حطهن معاهه
وجيب سبع اوراق بيدك حتى اعينك بالنزاهه
كتله خمس اوراق عندي كال اشك عندك كراهه
انته مبغض للحكومه الخمس اوراق شوراهه
كتله خوية تصير سته بلكت بهاي الوجاهه
صاح اسكت لا تجادل لا تدخلنه بمتاهه
كتله سبعه هاك سبعه بس فرج كلي وراهه
كال ندرسهه القضية ونحجي ويه اهل النزاهه
شوية لن رمش جهازه وبسبس وكصته طواهه
وصاح ابشر خوية صارت الضاعت الطيب لكاهه
بس عشر ورقات تدفع تريد لو غيرك اجاهه
مو كطعنه العمله سبعه هسه لو غيرك حجاهه
كال ورقة بيهه ندعم الفقره مصروف ودواهه
وورقة ندفعه ضريبه لليدقق والشراهه
وورقة حصة ابن المدير حتى يترتب سراهه
كافي ما اسمح تحقق عن رجلهه وعن حماهه
كلهه صارت عيني عينك هيه ضلت عالنزاهه
<!-- / message --><!-- sig -->
مشاركة: النزاهــــــــــــــــــــــــــة
اقتباس:
النــــــــــــــزاهه
مو كطعنه العمله سبعه هسه لو غيرك حجاهه
كال ورقة بيهه ندعم الفقره مصروف ودواهه
وورقة ندفعه ضريبه لليدقق والشراهه
وورقة حصة ابن المدير حتى يترتب سراهه
كافي ما اسمح تحقق عن رجلهه وعن حماهه
كلهه صارت عيني عينك هيه ضلت عالنزاهه
_________
http://www.5o5a.com/upload/uploads/39fbad8f3b.gif
شحجي وشكَل للناس من ضيمي شحجي
مختنكَ بالعبرات بس احجي ابجي
شريد أحجي وأسولف وأبتدي منين
وألزم يا جرح منهن وأراويك
جثيرات بدليلي وصارلي سنين
وأجن وياي من هز الكواريك
وأنا شما أخيط جرح ينفتكَ بعدين
ويا كَلبي أشايل أنت وجم جرح بيك
مشكور أخوية ماجد وصح لسانك
أنا بس أريد أعرف لجنة النزاهة وكل الي بالحكومة الحالية
منين أجونة من ورة الحايط هم كلهم عراقيين
عدة الي أجونة من ورة الحدود يدورون كراسي
يعني كسر بجمع هي كلها رشاوي برشاوي
صح ألسانك تاج راسي ماجد
ولا تحرمنا من قلمك يا شاعرنا
ونقل موفق
تحياتي
عراقي أصيل
