حوار بين الام وولدها في دارمي مبكي جدا

هذه قصة حقيقية وتخص الشاعر مهدي الذي كتب هذا الدارمي الموّلد
عن طالب في جامعة تم اختطافه من قبل الارهاب الكافر وتركوا قلب والدته احر من الجمر
لعن الله الاحتلال وذيول الاحتلال من السلاجقه الناصبيين



الام :

بشرني يمه اتعود لو اگطع الظن
لسه الخوات اعليك يم راسي يبچن

الابن :

يمه الفرج مكتوب عند الله تلگيه
ساعه ويفك الباب وابنچ تبوسيه

الام :

عند الله يمه اثنين شارتهم اتصيب
صفنة لبو الحيران والام التجيب

الام مره ثانيه :

لا صحه لا مليون لا كل شئ ماريد
ردتك تدگ الباب وتكمل العيد

الابن :

عند الله موش ابعيد واتريگ وياچ
هوه العمر شيفيد ساعه ابلياچ

الام :

لاجوع افكر بيه ولا افكر ابماي
تفكيري راح اوياك بس ضلن اعضاي

الام مره ثانيه : ساعد الله قلبك

من عيني تشرب ماي من تعطش انطيك
ولو جعت شيل الروح مني وتعشيك

الابن :

يوميه اشوفچ طيف يم راسي تبچين
طبع الحلم مگلوب بلچن تفرحين

الام :


شلون افرح اوبالبيت كتبك يروحي
كل ساعه اشم اكتاب كاتلني نوحي

الابن :

يايمه ادري شبيچ وادري شتريدين
ابنچ محامي ايريد كلفيلي لحسين

الام :

كلفت ابو السجاد بچيته وياي
بلچن يفك مظلوم وايرجع ارباي

الابن :


يم بابچ العباس يسمع ونينچ
يعرف عزاچ اليوم هوه اليعينچ

والله عاشت ايدج على هذا الموضوع
ونتمنى من الله عز وجل ان يبعد هذه الغمة عن هذه الامة
تحياتي
الفراتي

شكراً لكي اختي العزيزة على الموضوع الاكثر من رائع والحقيقة القصة مؤلمة لما عانته الكثير من امهاتنه في العراق الجريح بس ان شاء الله يعود العراق ويوكف من جديد واحسن من قبل
تقبلي مروري
الفراتي

شكرا جزيلا لكي اختي العزيزة على هذا الموضوع المؤلم تحياتي لكي

شكرااااا لكي اختي على هذا الكلام
انشاء الله كل غريب يرجع الى احضان اهله


وين الله هسه ايعود وتفرح للابنهه
ونشوفه يمهه هناك غافي بحضنهه


http://www2.0zz0.com/2009/07/11/21/748912817.jpg

ساعد قلوب الامهات على فقدانهم فلذات اكبادهن الله يرجع كل مفقود لامه والله يعدي هاي الازمة عن بلدنا بحق محمد وال محمد وتحياتي ومودتي لكل من مر على الموضوع

حقيقة
دارميات اكثر من مؤلمه
للاسف هذا هو الواقع الذي نعيشهه
شكرا
مع تحياتي

اقتباس:

---

المشاركة الأصلية كتبت بواسطة بنت البصرة الفيحاء

الام :

بشرني يمه اتعود لو اگطع الظن
لسه الخوات اعليك يم راسي يبچن

---

تسلمين عزيزتي الغاليه
محاوره أكثر من رائعه
دمتي بهذا العطاء وننتضر
جديدك تقبلي مروري الخالدي